शुभम देशमुख, साम टिव्ही
Gondia Accident News: गोंदिया जिल्ह्यातून भीषण अपघाताची घटना समोर आहे. भरधाव वेगात जाणाऱ्या ट्रकने दुचाकीला जोरदार धडक दिली. या धडकेत बाप-लेकांचा जागीच मृत्यू झाला. ही दुर्देवी घटना देवरी-रायपूर महामार्गावरील डोंगरगाव डेपोजवळ शनिवारी (दि. २४) सायंकाळच्या सुमारास घडली. सुनील पोगळे (वय ३५) व सेवकराम पोगळे (वय ६०, रा. लोहारा) असे अपघातात ठार झालेल्या बाप-लेकाचे नाव आहे.
घटनास्थळावरून मिळालेल्या माहितीनुसार, देवरी तालुक्यातील (Gondia News) लोहारा येथील रहिवासी असलेले सुनील पोगळे व सेवकराम पोगळे हे दोघेही बाप-लेक शनिवारी नागपूरवरून शेतीच्या कामासाठी गावाकडे निघाले होते. दरम्यान, मागाहून येणाऱ्या भरधाव ट्रकने डोंगरगाव डेपोजवळ त्यांच्या दुचाकीला जोरदार धडक दिली.
ही धडक इतकी भीषण (Accident News) होती की, बाप-लेक ट्रकच्या चाकाखाली आल्याने दोघांचाही घटनास्थळीच मृत्यू झाला. अपघातानंतर ट्रक चालक घटनास्थळापासून १ किमी अंतरावर ट्रक उभा करून पसार झाला. दरम्यान, या मार्गावरून जाणाऱ्या वाहन चालकांनी या घटनेची माहिती देवरी पोलिसांनी दिली.
घटनेची माहिती मिळताच पोलिसांनी (Gondia Police) घटनास्थळी धाव घेत ट्रक ताब्यात घेतला. दोन्ही मृतदेहांची उत्तरीय तपासणी करण्यासाठी मृतदेह देवरी येथील ग्रामीण रुग्णालयात आणले. पोलीस फरार झालेल्या ट्रकचालकाचा शोध घेत आहेत. या घटनेमुळे लोहारा गावात शोककळा पसरली आहे.
सेवकराम पोगळे हे कुटुंबीयांसह नागपुरात राहत असले तरी वर्षांतून ते अनेकदा लोहारा येथे यायचे. येथे ते आठ-आठ दिवस मुक्कामी सुद्धा राहत होते. लोहारा शेती असल्याने ते शेती करण्यासाठी नेहमी ये-जात करीत असल्याचे लोहारा येथील गावकऱ्यांनी सांगितले आहे.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.