Mumbai Crime: मुंबईत रक्तरंजित थरार! ३ जणांवर तलवारीने सपासप वार, NCP नेत्याच्या पुतण्याला अटक

Summary -

• मुंबईतल्या मुलुंडमध्ये तिघांवर तलवारीने जीवघेणा हल्ला

• राष्ट्रवादी काँग्रेसच्या नेत्याच्या पुतण्यासह दोन आरोपी अटकेत

• पोलिसांकडून तपास सुरू

मयूर राणे, मुंबई

मुंबईमध्ये भररस्त्यात तिघांवर जीवघेणा हल्ला करण्यात आल्याची धक्कादायक घटना घडली. मुंबईत्या मुलुंडमध्ये ही घटना घडली. या प्रकरणी राष्ट्रवादी काँग्रेस अजित पवार गटाच्या स्थानिक नेत्याच्या पुतण्याला अटक करण्यात आली आहे. नशेच्या आहारी गेलेल्या तरुणाने आपल्या मित्रांसह तिघांवर जीवघेणा हल्ला केला. या हल्ल्यात गंभीर जखमी झालेल्या तरुणांवर रुग्णालयात उपचार सुरू आहेत. पोलिसांनी या प्रकरणी दोघांना अटक केली.

मिळालेल्या माहितीनुसार, मुलुंडमध्ये रविवारी संध्याकाळी नशेत असलेल्या काही तरुणाने तलवारीच्या सहाय्याने ३ जणांवर सपासप वार केले. भररस्त्यात ही घटना घडल्यामुळे परिसरात भीतीचे वातावरण पसरले होते. या हल्ल्यात गंभीर जखमी झालेल्या तिघांवर मुलुंड येथील शासकीय रुग्णांमध्ये उपचार सुरू आहेत. सुलतान मलिकसह अन्य आरोपी यांनी नशेच्या आहारी जाऊन तिघांवर वार केल्याची माहिती भाजपचे आमदार मिहिर कोटेचा यांनी दिली आहे. याप्रकरणी मुलुंड पोलिसांनी दोन आरोपींना ठाण्यातून अटक केली. या आरोपींवर कठोर कारवाई करावी अशी मागणी भाजपचे आमदार मिहिर कोटेचा यांनी केली आहे.

मुलुंड खिंडी पाडामध्ये राहणाऱ्या सुलतान मलिकने जुना राग मनात धरून सोहेल आणि त्याच्या मित्रांवर जीवघेणा हल्ला केला. तलवारीने त्याने त्यांच्यावर हल्ला केला. या घटनेनंतर आरोपींनी घटनास्थळावरून पळ काढला. ही माहिती मुलुंड पोलिसांना कळतात मुलुंड पोलिसांनी चार टीम या आरोपींना शोधण्यासाठी तयार केल्या. या प्रकरणी मुलुंड पोलिसांनी आरोपींविरोधात गुन्हा दाखल केला. आरोपी सुलतान मलिकसह मेहपाल देवाड या दोघांना ठाण्यातून पोलिसांनी अटक केली.

आरोपी सुलतान हा राष्ट्रवादी काँग्रेस अजित पवार गटाचे स्थानिक नेते सजीव मलिक यांचा भाऊ युसूफ मलिकचा मुलगा आहे. नशेच्या आहारी जाऊन सुलतानने हे कृत्य केले. सुलतानचे काका सजीव मलिक यांनी नगरसेवक पदाची निवडणूक लढवली होती पण त्यांचा यामध्ये पराभव झाला होता. मुलुंडमध्ये भररस्त्यात घडलेल्या या रक्तरंजित थरारामुळे नागरिक घाबरले आहेत.