Manchar News : ऊसाला ३४०० रुपये हमीभाव मिळावा या मागणीसाठी मंचर येथे पुणे - नाशिक महामार्गावर आज (साेमवार) स्वाभिमानी शेतकरी संघटनेने रास्ता रोकाे आंदाेलन छेडले. या आंदाेलनात स्वाभिमानीच्या कार्यकर्त्यांसह शेकडाे शेतकरी सहभागी झाले हाेते. (Maharashtra News)
ऊसाला ३४०० हमीभाव द्या, भिक नको आम्हांला घामाचे दाम द्या असे म्हणत स्वाभिमानी शेतकरी संघटना रस्त्यावर उतरली हाेती. यावेळी आंदाेलकांनी भिमाशंकर सहकारी साखर कारखाना (bhimashankar sahakari sakhar karkhana) व्यवस्थापना विरोधात घाेषणा दिल्या.
ऊसाच्या हमीभावासाठी स्वाभिमानी शेतकरी संघटनेकडुन भिमाशंकर साखर कारखान्यावर उपोषण सुरु आहे. या उपोषणाला प्रतिसाद मिळत नसल्याने स्वाभिमानी शेतकरी संघटना आज आक्रमक झाल्याचे चित्र हाेते.
सहकारमंत्री दिलीप वळसे- पाटील यांच्या विराेधात देखील स्वाभिमानीच्या कार्यकर्त्यांनी घाेषणाबाजी केली. स्वतचा खाजगी कारखाना वाचविण्यासाठी भिमाशंकर सहकारी साखर कारखाना डब्यात टाकण्याचा डाव आखला जात असल्याचा गंभीर आरोप स्वाभिमानी शेतकरी संघटनेचे प्रदेश उपाध्यक्ष प्रकाश बालवडकर यांनी केला.
दरम्यान या वेळी एक रुग्णवाहिका रस्त्यावर (pune nashik highway) येताच आंदाेलकांनी (aandolan) रुग्णवाहिकेला रस्ता मोकळा करुन माणुसकीचे दर्शन घडवले.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.