Success Story: सातवी पास, पुण्यातील ७० वर्षीय आजींचा वडापावचा व्यवसाय; जमीन अन् तीन मजली घर केले खरेदी

व्यवसाय करण्यासाठी खप मेहनत आणि चिकाटी लागते. कोणताही बिझनेस जर तुम्ही १००० दिवस सुरु ठेवला तर त्याला कधीच अपयश येत नाही, असं म्हणतात. मग तो व्यवसाय वडापावचा असो किंवा एखादी मोठी कंपनी. तुमच्या कामात नेहमी सातत्य असायला हवे. असंच काहीसं एका आजीबाईंनी केलं आहे. एका ७० वर्षांच्या आजीबाईंनी वडापावच्या व्यवसायावर जमीन अन् घर खरेदी केले आहे.

पुण्यातील आजीबाईंचा व्यवसाय (Pune Aajibai Success Story)

पुण्यातील ताराबाई ज्ञानेश्वर ढोणे या आजीबाईंनी आपला स्वतः चा व्यवसाय सुरु केला. त्यांनी पुण्यात वडापाव विकायला सुरुवात केली. त्यांनी १९८८ पासून व्यवसायाला सुरुवात केली. त्यांनी सुरुवातीला शेंगा विकायची गाडी सुरु केली होती. त्यानंतर वेगवेगळे पदार्थ तयार केले.

या आजीबाईंचे शिक्षण सातवी पास झाले आहे. त्या सुरुवातीला येवल्यातील खेड्यात राहत होते. त्यानंतर त्या पुण्यात आल्या. ७० वर्षांच्या असूनही त्या आज काम करत आहेत.

मुलांसाठी वडापावचा छंदा

आजीची मुले मोठी झाल्यानंतर त्यांनी वडापावचा धंदा सुरु केला. २०-२५ वर्षांपूर्वी सुरु केलेला हा धंदा आजही उत्तम सुरु आहे. सकाळी साडेआठ ते संध्याकाळी साडेआठपर्यंत ही वडापावची गाडी सुरु असते. या स्टॉलवर वडापावसोब भजी, दालवडा असे अनेक पदार्थ विकले जातात. दिवसभरात शेकडो वडापाव विकले जातात. या वडापावच्या माध्यमातून त्यांनी एक एकर जागा अन् तीन मजली घर बांधलं आहे.