Sakshi Sunil Jadhav
राजस्थानातील मरवाड परिसरात मिळणारी स्पायसी मिरची वडा ही तिखट आणि कुरकुरीत स्नॅक्ससाठी प्रसिद्ध आहे. विशेषतः पावसाळा किंवा थंडीत हा वडा अप्रतिम लागतो. आता हा स्वाद आपण घरबसल्या अगदी सोप्या पद्धतीने बनवू शकता.
तुम्ही हा वडा घरच्या घरी कुरकुरीत पद्धतीने बनवू शकता. याची पुढे राजस्थान स्टाईल रेसिपी देण्यात आली आहे. यामध्ये लागणारे साहित्यही तुमच्या घरामध्ये सहज उपलब्ध असेल.
मोठ्या हिरव्या मिरच्या ६ ते ८, बेसन १ कप, बटाटे उकडलेले २, तेल, लाल तिखट १ चमचा, हिंग, मीठ, हळद पाव टीस्पून, कोथिंबीर, गरम मसाला अर्धा चमचा, आमचूर पावडर किंवा लिंबूाचा रस अर्धा चमचा इ.
मिरचीमध्ये लांबीने चीर काढा आणि मधल्या बिया थोड्या काढून टाका. त्याने मिरच्याची चव बदलत नाही आणि तेलात बिया उडणारही नाहीत.
बटाटे मॅश करून त्यात मीठ, हळद, तिखट, गरम मसाला, अमचूर आणि कोथिंबीर मिसळा. पुढे व्यवस्थित स्टफिंग तयार करा.
प्रत्येक मिरचीमध्ये तयार बटाट्याचे मिश्रण चांगले दाबून भरा. बाहेर येणार नाही याचीही काळजी घ्या.
बेसन, हळद, मीठ, हिंग आणि थोडे पाणी घालून जाडसर पेस्ट तयार करा. यामध्ये पाण्याचे प्रमाण तपासणे आवश्यक आहे.
खोल तव्यावर किंवा कढईत तेल तापवा. तेल तापवताना कढई ओली आहे का तपासा. अन्यथा तेल तुमच्यावर उडू शकतं.
स्टफ्ड मिरची बेसनाच्या मिश्रणात पूर्ण कोट होईपर्यंत फिरवा. गरम तेलात सोनेरी आणि कुरकुरीत होईपर्यंत तळा. तळल्यानंतर हे वडे स्लाइस करून पुन्हा हलके परत तळले तर अजून क्रिस्पी बनतात. मिरची वडा हिरव्या चटणी आणि चिंचेच्या चटणीसोबत गरमागरम सर्व्ह करा.