![Pune-Nashik Highway](http://media.assettype.com/saamtv%2F2023-08%2F19fb7984-4256-4edc-83ea-efdc2f81af6d%2Fshivshahi_bus__1_.jpg?w=480&auto=format%2Ccompress&fit=max)
रोहिदास गाडगे
Accident News: रस्ते अपघातात आतापर्यंत हजारो व्यक्तींनी आपला जीव गमावला आहे. वेग मर्यादा ओलांडून नागरिक वाहन चालवतात. त्याने अनेकांना आपली चूक नसताना देखील जीव गमवावा लगतो. अशात पुणे-नाशिक महामार्गावरुन अपघाताची एक बातमी समोर आली आहे. प्रवाशांनी भरलेल्या बसचा भीषण अपघात झाला आहे. (Latest Shivshahi Bus Accident News)
याबाबत अधिक माहिती अशी की, पुणे-नाशिक महामार्गावर नारायणगाव बायपासला शिवशाही बसला अपघात झालाय. पुण्याहून नाशिकच्या दिशेने शिवशाही बस जात असताना नारायणगाव बायपास येथे समोरून एक दुचकी वेगात आली.
समोर आलेल्या दुचाकीस्वाराला वाचविण्यासाठी शिवशाही चालकाने बस विरुद्ध दिशेला घेऊन जात असताना मागून एक कंटेनर समोर आला. यामध्ये शिवशाही बसचा अपघात झाला. या अपघात १४ प्रवाशी किरकोळ जखमी झालेत.
दरम्यान, अपघातग्रस्त बसचे दरवाजे अचानक लॉक झाल्याने समोरील काच फोडून प्रवाशांना बाहेर काढण्यात आले. सध्या जखमींना प्राथमिक उपचारासाठी रुग्णालयात दाखल करण्यात आलेय. सुदैवाने अपघातात मोठा अनर्थ टळल्याची भावना काही प्रवाशांनी व्यक्त केली आहे.
वाहन चालवताना वाहतूकीचे सर्व नियम काटेकोरपणे पाळावे लागतात. हे नियम न पाळल्यानेच भीषण अपघात होतात. आता देखील बस चालकाची चूक नसताना दुचाकीस्वारामुळे मोठा अपघात घडला असता. मात्र दैव बलवत्तर म्हणून मोठी दुर्घटना टळली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.