Sanjay Raut Bail: जामीन मंजूर झाल्यानंतर संजय राऊतांची पहिली प्रतिक्रिया, म्हणाले...

मुंबई : कथित पत्राचाळ गैरव्यवहार प्रकरणी शिवसेनेचे खासदार संजय राऊत  (Sanjay Raut) यांना पीएमएलए कोर्टाने जामीन मंजूर केला आहे. तब्बल 100 दिवसांनंतर संजय राऊत बाहेर येणार आहेत. जामीन मंजूर जाल्यानंतर संजय राऊतांची प्रतिक्रियाही समोर आली आहे.

माझा न्यायदेवतेवर पूर्ण विश्वास होता. मी न्यायदेवतेचे आभार मानते. मी पुन्हा लढेन, असं संजय राऊत यांनी म्हटलं आहे. यावेळी संजय राऊतांनी आत्मविश्वास व्यक्त केला होता. (Latest Marathi News)

संजय राऊत जेलमधून थेट जाणार लोकमान्य टिळक मार्ग पोलीस ठाण्यासमोरील हनुमान मंदिरात दर्शनासाठी जाणार आहे. तिथून सिद्धिविनायक मंदिर, बाळासाहेब ठाकरे स्मृतीस्थळ येथे जाणार असल्याची सूत्रांची माहिती आहे. आजच रात्री ते उद्धव ठाकरेंच्याही भेटीला जाणार आहेत.

संजय राऊतांच्या स्वागतासाठी आर्थर रोड जेल बाहेर पाच वाजता शिवसैनिकडून भव्य बाईक रैली काढण्यात येणार आहे.

संजय राऊत यांना जामीन मंजूर झाल्याची बातमी ऐकल्यानंतर त्यांच्या आई भावूक झाल्या होत्या. त्यांच्या डोळ्यात आनंदाश्रू दिसत होते. संजय राऊतांच्या घरी विद्यूत रोषणाई देखील केली जात आहे.