Sanjay Raut Latest Speech: अजित दादा येणार... अजितदादा बोलणार... अजितदादा जिंकणार, असं म्हणत संजय राऊतांना यांनी राष्ट्रवादीचे नेते अजित पवार यांच्याबद्दल बोलून कलह दूर केला. 'हमसे जो टकराएगा, मिट्‌टी में मिल जाएगा', असा इशारा देत संजय राऊतांना विरोधकांवर जोरदार हल्लाबोल केला आहे.
मुंबईच्या बीकेसी मैदानावर आज महाविकास आघाडीची वज्रमुठ सभा होत आहे. या सभेत संजय राऊत यांनी जोरदार भाषण केलं. यावेळी शिवसेना ठाकरे गटाचे प्रमुख उद्धव ठाकरे, आदित्य ठाकरे, राष्ट्रवादी काँग्रेसचे नेते अजित पवार, जयंत पाटील, महाराष्ट्र काँग्रेसचे अध्यक्ष नाना पटोले, बाळासाहेब थोरात, आदी नेत्यांची प्रमुख उपस्थिती होती.
शिवाजी पार्कसारखं मोठं मैदान न घेता छोट्या मैदानात वज्रमूठ सभेचं आयोजन केल्यावरून आशिष शेलारांनी महाविकास आघाडीला टोला लगावला होता. आशिष शेलारांच्या वक्तव्याचा वज्रमूठ सभेत खासदार संजय राऊत यांनी समाचार घेतला. राऊत म्हणाले, अरे आशिष शेलार तुझे डोळे चिनी आहेत, अगदी बारीक. पाहा इथे येऊन, ही गर्दी बघ, कळेल तुला, असं प्रत्युत्तर संजय राऊत यांनी दिलं आहे.
काल देशाचे गृहमंत्री अमित शहा मुंबईत आले होते. आता आहेत की नाही मला माहित नाही. बहुतेक ते सभेत येऊन बसले असतील सभा पाहायला. ही ताकद पाहा ही निष्ठा पाहा आणि आमची वज्रमुठही पाहा, हम सब एक हैं, और एक रहेंगे असंही संजय राऊत यांनी ठणकावून सांगितलं आहे.
अजितदादा मंचावर बसले आहेत. दादा सगळ्यांना तुमचं आकर्षण आहे. सकाळपासून सगळे बोलत होते दादा येणार नाही, आम्ही बोललो अजितदादा येणार... अजितदादा बोलणार... अजितदादा जिंकणार, असं म्हणत संजय राऊत यांनी अजित पवारांवर कौतुकाचा वर्षाव केला आहे.
संजय राऊत यांनी पंतप्रधान नरेंद्र मोदी यांच्यावर सुद्धा निशाणा साधला. या देशाचा एकमेव पंतप्रधान मी पाहिला, जो ९ वर्ष मन की बात करत आहे, काम की बात करत नाही. पण महाराष्ट्राची वज्रमुठ सभा यापुढे फक्त काम की बात करेल, असंही संजय राऊतांनी ठणकावून सांगितलं आहे.
Edited by - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.