मुंबई : उद्धव ठाकरे आणि शिंदे गटाच्या दसरा मेळाव्याला अवघे काही तास उरले आहेत. दोन्ही गटातील नेतेमंडळी कार्यकर्त्यांसह हळूहळू शिवाजी पार्क आणि बीकेसी येथे पोहोचत आहेत. दसरा मेळाव्याला (Dasara Melava) पोहोचण्याआधी मुख्यमंत्री एकनाथ शिंदे यांनी एक ट्वीट केलं आहे. या ट्वीटच्या माध्यमातून आम्हीच दिवंगत बाळासाहेब ठाकरे यांचे खरे वारसदार असल्याचं सांगण्याचा त्यांनी प्रयत्न केला आहे.
एकनाथ शिंदे (Eknath Shinde) यांनी हरिवंश राय यांची ओळ शेअर केली आहे. "मेरे बेटे, बेटे होने से मेरे उत्तराधिकारी नहीं होंगे, जो मेरे उत्तराधिकारी होंगे, वो मेरे बेटे होंगे", असं ट्वीट एकनाश शिंदे यांनी केलं आहे.
शिवसेना बाळासाहेबांचे विचार हा रक्ताचा वारसा नाही. केवळ बाळासाहेबांचा मुलगा म्हणून शिवसेनेवर हक्क गाजवता येणार नाही. शिवसेना ही बाळासाहेबांच्या विचारांची आहे. हेच सांगण्याचा प्रयत्न एकनाथ शिंदे त्यांना केली आहे.
काही तासांपूर्वी केलेल्या ट्वीटमध्य एकनाथ शिंदेंनी, विकासाच्या यात्रेत देव, देश आणि धर्माच्या रक्षणासाठी बाळासाहेबांचे विचार महत्वाचे आहेत असं म्हटलं होतं. त्यामुळे केवळ रक्ताचं नातं आहे म्हणून शिवसेना तुमची असं होत नाही तर आम्ही बाळासाहेबांचे विचार पुढे घेऊन जात आहोत म्हणून आम्हीच खरी शिवसेना आहोत, असं या ट्वीटच्या माध्यमातून एकनाथ शिंदे यांनी म्हटलं आहे.
कसा असेल कार्यक्रम?
>> 5.30 वाजता नंदेश उमप यांच्या कार्यक्रमने होणार सुरुवात.
>> 6.30 वाजता शिंदे गटाच्या प्रवक्त्यांच्या भाषणाला सुरुवात.
>> 7.25 मुख्यमंत्री एकनाथ शिंदे मेळावा ठिकाणी येताच 111 साधूंकडून शंख नाद केला जाणार.
>> मुख्यमंत्री शिंदे यांना अयोध्या येथून आलेल्या साधूंकडून चांदीच धनुष्य आणि गदा दिली जाईल. यापुढे आता हिंदुची धुरा तुम्ही सांभाळा असे आशीर्वाद दिले जातील.
>> त्यानंतर 40 आमदार 12 खासदार यांच्याकडून मुख्यमंत्री एकनाथ शिंदे यांचा सत्कार केला जाईल.
>> 8.15 वाजता मुख्यमंत्री एकनाथ शिंदे यांचे भाषण सुरु होईल. साधारण 1 तास भाषाण चालणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.