पुणे: बैलगाडा शर्यतबंदीला विरोध करत आज सांगलीत भाजपाचे आमदार पडळकरांनी शर्यत यशस्वी भरवली...! शर्यतबंदी विरोधात पडळकरांनी आज सुरुवात केली त्यांनी बैलगाडा शर्यतीबाबत घेतलेली भुमिका समर्थानार्थ आहेच. मात्र गेल्या वीस वर्षापासून बैलगाडा शर्यतबंदी विरोधातला लढा शिवसेनेच्या माध्यमातुन सुरु असुन पुढील पंधरा दिवसात गृहमंत्र्यांच्याच मतदार संघात बैलगाड्याचा घाट भरणार असल्याचे माजी खासदार शिवाजीराव आढळराव पाटील यांनी साम टिव्हिशी बोलताना स्पष्ट केलं आहे.
आज सांगलीत बैलगाडा शर्यतीच्या घाटात भिर्रर्र झाल्यानंतर बैलगाडा मालकांही आक्रमक भुमिकेत पहायला मिळत असुन आज सकाळी बैलगाडा मालकांनी खासदार शिवाजीराव आढळराव पाटील यांच्यात गुप्त बैठक पार पडली...! बैलगाडा शर्यतीविरोधात पुढील काळात मोठा लढा देण्यासाठी हि बैठक घेण्यात आली आणि पहिली शर्यत राज्याचे गृहमंत्री दिलीप वळसे पाटील यांच्या मतदार संघात घेणार असल्याचे आढळराव पाटलांनी जाहिर केलं आहे. त्याला बैलगाडा मालकांनी होकार दिलाय..! गृहमंत्री वळसेपाटील यांनी शर्यतीला समर्थन द्यावे अशी मागणी केली आहे.
Edited By: Pravin Dhamale
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.