Sanjay Raut Latest News : शिवसेना (Shivsena) उद्धव बाळासाहेब ठाकरे गटासाठी आजचा दिवस खूपच महत्वाचा असणार आहे. कारण, संजय राऊत यांच्या जामीन अर्जावरील सुनावणीचा निकाल आज न्यायालयाकडून जाहीर केला जाणार आहे. त्यामुळे संजय राऊत यांना जेलमध्ये राहणार की बाहेर येणार याकडे सर्वांचंच लक्ष लागलं आहे.
संजय राऊत (Sanjay Raut) हे पत्राचाळ घोटाळा प्रकरणात गेल्या १०० दिवसांपासून तुरुंगात आहे. ईडीने त्यांच्यावर घोटाळ्याचे गंभीर आरोप केले आहेत. यापूर्वी राऊत यांच्या जामीन अर्जावर २ नोव्हेंबरला सुनावणी झाली. त्यावेळी राऊत यांची न्यायालयीन कोठडी मुंबईच्या विशेष विशेष पीएमएलए कोर्टाकडून १४ दिवसांनी वाढविण्यात आली होती.
न्यायालयाने २ नोव्हेंबरला घेतलेल्या सुनावणीत राऊतांच्या जामीन अर्जावरील निकाल न्यायालयाने राखून ठेवला होता. आज राऊत यांची न्यायालयीन कोठडी संपणार असून न्यायालय या निकालाचे वाचन करणार आहे. त्यामुळे संजय राऊतांना बेल मिळणार की ते पुन्हा जेलमध्ये जाणार याकडे ठाकरे गटाचं लक्ष लागून आहे.
काय आहे प्रकरण?
मुंबईतील गोरेगाव परिसरातील पत्राचाळ जमीन गैरव्यवहार प्रकरणात अंमलबजावणी संचालयाने (ईडी) संजय राऊत यांना 31 जुलै रोजी अटक केली होती. संजय राऊत आणि त्यांचे बंधू प्रविण राऊत हेच पत्राचाळ प्रकरणातील मास्टरमाइंड असल्याचा आरोप ईडीकडून करण्यात येत आहे. दुसरीकडे ईडीनं लावलेले आरोप बिनबुडाचे असल्याचा युक्तिवाद संजय राऊतांच्या वतीनं करण्यात येतोय.
दरम्यान 31 जुलैला अटक झाल्यापासून संजय राऊत हे कोठडीतच आहे. सुरूवातीला ते ईडीच्या कोठडीत होते. मात्र, नंतर त्यांची रवानगी न्यायालयीन कोठडीत करण्यात आली. सध्या त्यांनी जामीनासाठी अर्ज केला आहे. या जामीन अर्जावर 2 नोव्हेंबर रोजी सुनावणी झाली. त्यावेळी न्यायालयाने निकाल राखून ठेवला होता. आज या निकालाचे न्यायालयाकडून वाचन केले जाणार आहे.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
