Cyrus Poonawalla on Sharad Pawar: शरद पवार यांची 2 वेळा पंतप्रधान होण्याची संधी हुकली; सायरस पुनावाला यांनी स्पष्ट सांगितलं

सचिन जाधव

Cyrus Poonawalla on Sharad Pawar:

राष्ट्रवादीचे अध्यक्ष शरद पवार यांनी काही महिन्यांपूर्वी पक्षाच्या अध्यक्षपदाचा राजीनामा दिला होता. मात्र, त्यांनंतर कार्यकर्त्यांनी राजीनामा मागे घेण्याची विनंती केली. त्यानंतर पवारांनी निर्णय बदलला. या प्रकारानंतर शरद पवारांचा राजीनामा आणि राजकारण याबद्दल जोरदार चर्चा सुरू झाली. आता याचदरम्यान, सीरम इन्स्टिट्यूट ऑफ इंडियाचे (सीआयआय) मालक सायरस पुनावाला यांनी शरद पवारांवर मोठं वक्तव्य केलं आहे. (Latest Marathi News)

सीरम इन्स्टिट्यूट ऑफ इंडियाचे मालक सायरस सायरस पुनावाला यांनी पुण्यात प्रसारमाध्यमांशी संवाद साधला. त्यावेळी पुनावाला यांनी शरद पवारांच्या वक्तव्यावर मोठं वक्तव्य केलं आहे.

सायरस पुनावाला म्हणाले, 'शरद पवार यांचा पंतप्रधान होण्याचा दोन वेळा चान्स हुकला. त्यांनी आता निवृत्त व्हायला पाहिजे. त्यांचं वय झालं आहे. माझं वय झालं आहे. त्यांनी आराम करायला हवा'.

'शरद पवारांनी दोन वेळा पंतप्रधान होण्याची संधी घालवली. ते खूप हुशार व्यक्ती आहेत. त्यांचे वय झाले असून शरद पवारांनी आता रिटायर व्हावे, असेही ते म्हणाले .

डेंग्यू आणि मलेरियाच्या लसीवर पुनावाला काय म्हणाले, 'सिरम इन्स्टिट्यूट लवकरच डेंग्यू आणि मलेरियावर लस आणणार आहे. डेंग्यूवरील लस वर्षभरात मार्केटमध्ये आणणार आहे. डेंग्यू आजार सध्या देशभरात पसरला आहे'.