मुंबई - लता मंगेशकर (Lata Mangeshkar) यांनी काल या जगाचा निरोप घेतला. त्यांना अंतिम निरोप देण्यासाठी सर्व बड्या नेत्यांसह चित्रपट जगतातील दिग्गज अभिनेते आणि अभिनेत्रीही पोहोचल्या होत्या. प्रसिद्ध गायिका लता मंगेशकर यांना श्रद्धांजली वाहण्यासाठी बॉलिवूडचा बादशाह शाहरुख खानही (Shahrukh Khan) आला होता. यादरम्यान शाहरुख खान त्याची मॅनेजर पूजा ददलानी सोबत पोहोचला आणि लता मंगेशकर यांना श्रद्धांजली वाहिली. पण सोशल मीडियावर लोकांनी शाहरुख खानला ट्रोल करायला सुरुवात केली. आता शिवसेना (Shivsena) खासदार संजय राऊत (Sanjay Raut) यांनी शाहरुख खानला ट्रोल करणाऱ्यांना चोख प्रत्युत्तर दिले आहे.
हे देखील पहा -
वास्तविक, लता मंगेशकर यांचे पार्थिव शिवाजी पार्कमध्ये अंतिम दर्शनासाठी ठेवण्यात आले होते. यावेळी शाहरुख खानही लता मंगेशकर यांच्या अंतिम दर्शनासाठी पोहोचला होता. यादरम्यान शाहरुखने त्याच्या धार्मिक मान्यतांनुसार केलेल्या एका कृतीवरुन चुकीचे दावे केले जात आहे. यानंतर शाहरुख खानने लता मंगेशकर यांच्या चरणांना स्पर्श केला. मात्र शाहरुखने लता मंगेशकर यांच्या पायावर थुंकल्याची अफवा सोशल मीडियावर पसरली. यानंतर लोकांनी काहीही विचार न करता शाहरुख खानला ट्रोल करायला सुरुवात केली. पण शाहरुखला पाठिंबा देण्यासाठी अनेक जण उभेही राहिले.
शिवसेना खासदार संजय राऊत यांनी शाहरुख खानचे समर्थन करताना ट्रोल करणाऱ्यांना चोख प्रत्युत्तर दिले आहे. ते म्हणाले की, शाहरूखच्या कृतीवर उगाच ट्रोल केलं जातं आहे, एका गटाचे एका परिवाराचे लोकं हे काम करत आहे. हा नालायकपणा आहे, तुम्हाला बाकी काही उद्योग नाहीत. हे लोक देशाची वाट लावत आहे अशी प्रतिक्रिया संजय राऊत यांनी दिली आहे. ते पुढे म्हणाले, लता दीदी यांना कधीच विसरता येणार नाही. काहींनी पार्कात स्मारक बनवण्याची मागणी केली आहे. मात्र मागणीची गरज नाही, यावर राजकारण करू नका असा इशारा संजय राऊत यांनी भाजपला दिला आहे.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.