मावळ - ओरिसा राज्यातून अपहरण करून आणलेल्या एका सतरा वर्षीय पीडित मुलीची मावळ मधील नवलाख उंबरे येथून सुटका करण्याची कौतुकास्पद कामगिरी लोणावळा ग्रामीण पोलिसांनी केली आहे. लोणावळा (Lonavala) ग्रामीण पोलिसांनी दिलेल्या माहितीनुसार ओरीसा मधील सिमुलीया पोलीस ठाणे येथून अपहरण झालेली 17 वर्षीय पीडित मुलगी मावळ मधील तळेगांव दाभाडे पोलीस (Police) ठाण्याच्या हद्दीत नवलाख उंबरे येथे एका खोलीत डांबून ठेवलं असल्याची माहिती मिळाली.
हे देखील पहा -
लगेच लोणावळा पोलिसांनी सर्व प्रथम मोबाईल टॉवर लोकशेनच्या आधारावर नवलाख उंबरे येथे पोहचून तेथील स्थानिकांच्या मदतीने पिडीत मुलीचा शोध घेऊन एका बंद खोलीतून तिला सुखरूप ताब्यात घेतले. लोणावळा उपविभागीय पोलीस अधिकारी राजेंद्र पाटील यांच्या मार्गदर्शनाखाली पिडीत मुलीला बाल कल्याण समिती यांच्या समक्ष हजर करून सध्या तिला चैतन्य महिला आश्रम, मोशी याठिकाणी सुखरूप ठेवण्यात आले आहे. सदरची माहिती ओरिसा येथील संबंधित पोलीस ठाण्यात कळविण्यात आले असून पुढील तपास लोनावल पोलीस करीत आहे.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.