Sanjay Raut : आम्हाला भाड्याने लोक आणावे लागत नाहीत; संजय राऊत यांचा राज ठाकरे यांच्या मनसेला टोला
Sanjay Raut : Saam tv

Sanjay Raut : आम्हाला भाड्याने लोक आणावे लागत नाहीत; संजय राऊत यांचा राज ठाकरे यांच्या मनसेला टोला

Sanjay Raut on Raj Thackeray : शिवाजी मैदानाच्या परवानगीवरून ठाकरे गटाचे खासदार संजय राऊत यांनी आम्हाला भाड्याने लोक आणावे लागत नाहीत, असा अप्रत्यक्ष टोला मनसेला लगावला आहे.

मयूर राणे, साम टीव्ही प्रतिनिधी

मुंबई : लोकसभा निवडणुकीदरम्यान १७ मे रोजी दादरच्या शिवाजी पार्क सभा घेण्याची परवानगी मनसेला मिळाली. या मैदानात सभा घेण्यासाठी ठाकरे गट देखील आग्रही होता. मात्र, १७ मे रोजी राज ठाकरे यांच्या मनसेला सभा घेण्याची परवानगी नगरविकास विभागाकडून मिळाली. या परवानगीवरून ठाकरे गटाचे खासदार संजय राऊत यांनी आम्हाला भाड्याने लोक आणावे लागत नाहीत, असा अप्रत्यक्ष टोला मनसेला लगावला आहे.

शिवाजी पार्क मैदान परवानगीवरून संजय राऊत म्हणाले, 'या प्रकाराला तर सुडाचं राजकारण म्हणतात. सत्तेचा गैरवापर म्हणतात. लफंगेगिरी आणि भय म्हणतात. आम्ही महाराष्ट्रात आणि मुंबईत आम्ही कुठेही सभा घेतली तरी, आमच्या सभेला लोक येतात. आम्हाला भाड्याने लोक आणावी लागत नाहीत'.

Sanjay Raut : आम्हाला भाड्याने लोक आणावे लागत नाहीत; संजय राऊत यांचा राज ठाकरे यांच्या मनसेला टोला
Today's Marathi News Live : डॉ. दाभोलकर हत्या प्रकरणाच्या निकालाविरुद्ध उच्च न्यायालयात जाणार - हमीद दाभोलकर

राज ठाकरे आणि नरेंद्र मोदी यांच्या एकत्र सभेच्या प्रश्नावर राऊतांनी भाष्य केलं. 'तुम्ही त्यांचा जुना टिझर दाखवा. पंतप्रधान मोदी आणि अमित शहा यांना महाराष्ट्रात पाय ठेऊ देऊ नका, हे कोण म्हणाल होतं, असा सवाल राऊतांनी केला.

Sanjay Raut : आम्हाला भाड्याने लोक आणावे लागत नाहीत; संजय राऊत यांचा राज ठाकरे यांच्या मनसेला टोला
Shantigiri Maharaj: राज्यातील ६ लोकसभा मतदारसंघांमध्ये वारं फिरणार; शांतिगिरी महाराजांचा पाठिंबा नेमका कुणाला? करणार जाहीर

रविंद्र वायकर यांच्या आरोपावर बोलताना राऊत म्हणाले, एकनाथ शिंदे यांच्यासोबत असणाऱ्यांनी जेलमध्ये जाण्याची हिंमत दाखवली नाही. आम्ही तुरुंगात गेलो. या सर्व लोकांची कोणत्याही स्वातंत्र्य चळवळीतील लढ्यातील क्रांतीकारांचे नाव घ्यायची पात्रता नाही. ते शरणागत झालेला आहात. आपण गुलामी पत्करलेली आहे. त्यामुळे त्या पद्धतीनेच बोललं पाहिजे. त्या पद्धतीने जगलं पाहिजे, उगाच छात्या फुगवून बोलू नका'.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com