Devendra Fadnavis On Sakal Mahabrand Sohla: सकाळ माध्यम समुहाकडून देशाच्या विकासात सिंहाचा वाटा उचलणाऱ्या राज्यातील विविध कर्तबगार ब्रॅण्ड्सचा सन्मान सोहळा आयोजित करण्यात आला आहे. या कार्यक्रमाला मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यासह माजी मुख्यमंत्री सुशील कुमार शिंदे, अशोक चव्हाण, पृथ्वीराज चव्हाण, अभिनेत्री सोनाली कुलकर्णी यांची प्रमुख अतिथी उपस्थिती आहे.
2020 मध्ये महा ब्रँड्सची संकल्पना सर्वप्रथम सकाळ माध्यम समूहाने मांडली. या महा ब्रँड्स मध्ये पहिल्या पिढीतील उद्योजकांपासून अनेक पिढ्यांचा वारसा असलेल्या कामगिरीची दखल महा ब्रँड्समध्ये घेतली गेली, त्या सर्व महा ब्रँड्सचा सन्मान सोहळा मुंबई होत आहे. यावेळी बोलताना उपमुख्यमंत्री देवेंद्र फडणवीस यांनी सकाळ माध्यम समुहाचं कौतुक केलं.
देवेंद्र फडणवीस म्हणाले, सकाळ माध्यम समुहाचं मनापासून अभिनंदन. महाराष्ट्रातल्या ब्रॅण्डना रेकग्नाइज करण्यासाठी हा कार्यक्रम आयोजित करण्यात आला. खरंतर महाराष्ट्र हा स्वत: एक ब्रॅन्ड आहे. देशातील सर्वात प्रगतीशील राज्य म्हणून महाराष्ट्राकडे पाहिलं जातं. देशाच्या जीडीपीमध्ये महाराष्ट्राचा 15 टक्के वाटा आहे, तर देशाच्या उत्पादनात 23 टक्के, एक्सपोर्टमध्ये 22 टक्के आणि एफडीआयमध्ये 29 टक्के वाटा महाराष्ट्राचा आहे. देशात पहिली ट्रिलियन डॉलर इकॉनॉमी बनेल असा हा महाराष्ट्र देशातील ब्रॅण्ड आहे आणि महाराष्ट्राच्या ब्रॅण्डमध्ये सकाळ समुह हा देखील एक ब्रॅण्ड आहे असे देखील देवेंद्र फडणवीस म्हणाले.
सकाळ माध्यम समुहाचं कौतुक करताना फडणवीस म्हणाले. सामाजिक बांधिलकी म्हणून विविध क्षेत्रात सकाळ समुहाने योगदान दिलं आहे. महाराष्ट्राची प्रगती जर कोणामुळे झाली असेल तर ती या सर्व ब्रॅण्ड्समुळे झाली आहे. या सर्वांनी मिळून महाराष्ट्र बनवला आहे. यांच्या मेहनतीतून हा प्रगत महाराष्ट्र तयार झाला आहे, असे फडणवीस म्हणाले. (Latest Political News)
फडणवीस म्हणाले, देशात सर्वात जास्त इन्फ्रास्ट्रक्चरची कामं आज महाराष्ट्रात होत आहे. जवळ जवळ 5 लाख कोटी रुपयांची गुंतवणूक महाराष्ट्रात इन्फ्रास्ट्रक्चरमध्ये होत आहे. या इन्फ्रास्ट्रक्चरमधून गुंतवणूक वाढणार आहे आणि संधी निर्माण होणार आहेत. आपल्या सर्वांसाठी महाराष्ट्र हे एक असं ठिकाण आहे, जिथे आपण आपली स्वप्ने बघितली आणि ती पूर्ण केली आहेत. पण या स्वप्नांवर थांबू नका, अजून मोठी स्वप्न पाहा, महाराष्ट्र तुमची स्वप्नं नक्की पूर्ण करेल हा विश्वास मी व्यक्त करतो असे देवेंद्र फडणवीस. (Latest Marathi News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.