Ramdas Athawale News : आम्ही मागून वार करीत नाही, आमची भूमिका स्पष्ट : रामदास आठवले

Maval News : उद्धव ठाकरे यांना काहीही बोलू द्या पण त्या अगोदर मला त्यांची पोल खोलू द्या. एकनाथ शिंदे यांच्या बद्दल ते काहीही बोलतात. खरी शिवसेना ही शिंदे यांचीच आहे असा निर्णय कोर्टानेही दिला आहे असे केंद्रीय राज्यमंत्री रामदास आठवले यांनी नमूद केले. (Maharashtra News)

भगवान गौतम बुद्ध आणि डॉ. बाबासाहेब आंबेडकर यांच्या संयुक्त जयंती महोत्सवानिमित्त मंत्री आठवले हे तळेगाव दाभाडे येथे आले होते. त्यावेळेस ते बोलत होते. भारत अखंड ठेवण्याचे काम डॉ. बाबासाहेब आंबेडकर यांच्या संविधानाने केले आहे. भावा भावामध्ये वाद होत असतात. वाद हे नेहमीच होत असतात. मात्र वाद जरी झाले तरी या देशाचे तुकडे होण्याची वेळ येऊ देणार नाही असेही आठवलेंनी ठामपणे सांगितले.

ते म्हणाले आमच्या शरीराचे तुकडे झाले तरीही देशाचे तुकडे होऊ देणार नाही. आम्ही अतिशय शांतीच्या मार्गाने जाणारे लोक आहेत. सध्या पुण्यामध्ये तलवार गॅंग कोयता गॅंग प्रसिद्ध आहे. एकमेकांवरती कोयते चालवतच असतात. परंतु आम्ही शस्त्र न वापरता शांतीचा मार्ग स्विकारल्याचे आठवलेंनी स्पष्ट केले.

दरम्यान मुख्यमंत्री एकनाथ शिंदे आणि देवेंद्र फडणवीस यांचे सरकार जाणार नाही. बाकी सर्व जातील या दोघांचं सरकार मजबूत आहे. सुप्रीम कोर्टाचा निकालही आमच्याच बाजूला लागणार आहे. दोन हजार चोवीसची निवडणूक आम्हीच जिंकणार आहे असा विश्वास आठवलेंनी व्यक्त केला.

Edited By : Siddharth Latkar