राजगुरूनगर : डोक्यात लोखंडी रॉडने हल्ला करत तरुणाचा खुन! एक गंभीर जखमी

रोहिदास गाडगे

राजगुरुनगर: पुण्याच्या राजगुरुनगर (Rajgurunagar Pune) शहराजवळ होलेवाडी येथे एक तरुणाची निर्घृणपणे खुनाची घटना घडली आहे. या हल्ल्यात एका तरुणाचा मृत्यू झाला आहे तर एक गंभीर जखमी झाला आहे.

हे देखील पहा -

होलेवाडी येथील कांचन मंगल कार्यालयाजवळ ही घटना घडली आहे. दोन तरुणांवर डोक्यात लोखंडी रॉड मारहाणकरत प्राणघातक हल्ला करण्यात आला. या हल्ल्यामध्ये एकाचा मृत्यू झाला आहे. तर एक गंभीर जखमी आहे.

तर, मिळालेल्या माहितीनुसार, जखमी तरुणावर राजगुरुनगर येथील खाजगी रुग्णालयात उपचार सुरु आहेत. रात्रीच्या सुमारास दारु पिऊन भांडणे झाल्याने हा प्रकार घडल्याचा अंदाज राजगुरुनगर पोलीसांनी व्यक्त केला आहे.

रामदास सोपान थिटे (वय 27) असे खुन झालेल्या तरुणाचे नाव आहे. तर दत्तात्रय टाकळकर असे गंभीर जखमी झालेल्याचे नाव आहे. तर खुनाची माहिती मिळताच राजगुरुनगर पोलीस घटनास्थळी दाखल झाले आहेत.