Rain Effect on Monsoon Session : विधानसभा अधिवेशनात पावसाचा 'गदारोळ', ४ ऑगस्टपर्यंतच कामकाज, पण उरलेल्या ८ पैकी ४ दिवस सुट्टी

रुपाली बडवे

Mumbai News : राज्यातील अनेक भागांत गेल्या काही दिवसांपासून मुसळधार पाऊस बरसत आहे. अनेक ठिकाणी पूरसदृश स्थिती निर्माण झाली आहे. या पावसामुळे शेतीचं मोठं नुकसान झालं आहे. नागरिकांना देखील अनेक समस्यांचा सामना करावा लागत आहे.

मात्र पावसाळी अधिवेशनामुळे लोकप्रतिनिधी मुंबईत आहेत. त्यामुळे त्यांना आपल्या विभागात लक्ष देणे कठीण जात आहे. या पार्श्वभूमीवर अधिवेशन थांबवण्याची मागणी काही आमदारांनी केली होती. मात्र तुर्तास अधिवेशनाला ४ दिवस सुट्टी देण्यात आला आहे.

सध्याच्या स्थितीबाबत चर्चा करण्यासाठी कामकाज सल्लागार समितीची बैठक आज पार पडली. अधिवेशनाचं कामकाज पूर्णवेळ म्हणजेच ४ ॲागस्टपर्यंत सुरू ठेवण्याचा बैठकीत निर्णय झाला आहे. (Latest Marathi News)

बैठकीत झालेल्या निर्णयानुसार अधिवेशन कामकाजाला शनिवार, रविवार, सोमवार आणि मंगळवार अशी ४ दिवस सुट्टी असेल. अधिवेशनाला सुट्टी दिल्याने आमदारांना आपल्या भागात पाहणी करुन आढावा घेता येणार आहे. (Political News)

फक्त ४ दिवस चालेल अधिवेशन

अधिवेशनाचं कामकाज ४ ऑगस्टपर्यंत सुरु राहणार आहे. म्हणजे अधिवेशनाचे आजपासून ८ दिवस शिल्लक राहिले आहेत. त्यापैकी ४ दिवस सुट्टी असणार आहे. म्हणजे यापुढे अधिवेशनाचं कामकाज फक्त ४ दिवस सुरु असणार आहे.