COEP हॉस्टेलमध्ये एका विद्यार्थिनीवर दबाव टाकून तिच्याकडून व्हिडीओ स्टेटमेंट घेण्यात आल्याचा आरोप करण्यात आला होता. यासंदर्भात विचारपूस आणि चर्चा करण्यासाठी अभाविपचे काही कार्यकर्ते COEP हॉस्टेलमध्ये गेले होते. त्यावेळी काँग्रेस कार्यकर्त्यांनी शिवीगाळ करत मारहाण केल्याचा आरोप फिर्यादीत करण्यात आलाय.
या प्रकरणी पोलिसांनी भारतीय न्याय संहितेच्या (BNS) कलम 115(2), 189(1), 189(2), 191(2), 351(1), 352 तसंच महाराष्ट्र पोलीस कायद्याच्या कलम 37(3) आणि 135 अंतर्गत गुन्हा दाखल केलाय.
दरम्यान, पुण्यात आज काँग्रेस नेते राहुल गांधी यांच्या ‘छात्रों की गुंज’ कार्यक्रमाचं आयोजन करण्यात आलं आहे. या कार्यक्रमाच्या पार्श्वभूमीवर COEPमध्ये झालेल्या या वादामुळे राजकीय वातावरण तापलंय. काही मुलींना कॉलेजमध्ये डांबून ठेवल्याचा आरोप NSUIकडून करण्यात आला. या प्रकरणी काँग्रेस नेते विजय वडेट्टीवार यांनीही घटनास्थळी दाखल होत, राहुल गांधी यांच्या कार्यक्रमाला गालबोट लावण्याचा कट असल्याचा आरोप केला.
मात्रअभाविपने हे आरोप फेटाळून लावत NSUIच्या कार्यकर्त्यांनी मारहाण केल्याचा प्रत्यारोप केला आहे. या प्रकरणाचा पुढील तपास शिवाजीनगर पोलिसांकडून सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.