Pune ZP Election Result : कारेगावच्या निर्मला नवलेंचा झेडपीत पराभव, भाजपच्या शिलेदाराने २७०० मतांनी केली मात

राज्यात ठिकठिकाणी जिल्हा परिषद निवडणुकांचा निकाल लागला आहे. ७ जानेवारी रोजी या निवडणूका पार पडल्या होत्या. या निवडणुकांचा निकाल सकाळी १० वाजल्यापासून सुरु झाला आहे. पुण्यात अजित पवार यांच्या अकाली निधनानंतर पहिल्यांदाच निवडणूक पार पडत आहे. पुण्यातील शिरूर येथे भाजपाचे तीन शिलेदार विजयी झाले असून सोशल मीडियावर नेहमी चर्चेत असणाऱ्या राष्ट्रवादी काँग्रेस अजित पवार गटाच्या सरपंच निर्मला नवले यांचा पराभव झाला आहे.

कारेगाव गणातून निर्मला नवले यांना अजित पवारांच्या राष्ट्रवादी काँग्रेसने उमेदवारी दिली होती. भाजपच्या मनीषा पाचंगे यांना त्यांच्याविरोधात उमेदवारी देण्यात आली होती. या निवडणुकीत निर्मला नवले यांचा पराभव झाला आहे. मनीषा पाचंगे यांनी या गणातून विजय मिळवला आहे. मनीषा यांनी निर्मला नवले यांचा २७०० मतांनी पराभव केला आहे.

निर्मला नवले या सोशल मीडियावर फेमस आहेत. त्यांचे ५ लाखांहून अधिक फॉलोअर्स असून त्यांचा रेज रोव्हर मिळाल्यानंतर आनंद व्यक्त करणारा व्हिडीओ बराच गाजला होता. आयटी इंजीनिअर असलेल्या निर्मला या सरपंच झाल्यानंतर उच्चशिक्षित सरपंच असे त्यांचे कौतुक केले जात होते. अजित पवारांच्या राष्ट्रवादी काँग्रेसने त्यांना उमेदवारी दिली होती आणि त्या जिंकूनही आल्या होत्या. मात्र यावेळेस त्यांचा पराभव होऊन जिल्हा परिषदेची संधी हुकली आहे.