Pune: क्राईम ब्रँचचे पोलिस असल्याचे सांगत वॉचमनला जबर मारहाण

सागर आव्हाड

धायरी :- सिंहगड रस्ता परिसरातील सोसायटीच्या वॉचमनला क्राईम ब्रँचचे पोलिस असल्याचे सांगत सहा ते सात जणांनी जबर मारहाण केली आहे. ही घटना शुक्रवारी पहाटे अडीच वाजण्याच्या सुमार घडली आहे. तसेच हा सर्व प्रकार सीसीटीव्हीत कैद झाला आहे.

हे देखील पहा-

काय घडलं त्या रात्री;

वॉचमन पांडुरंग चव्हाण हा घरात झोपला होता. पहाटे अडीच वाजण्याच्या सुमारास चौकशी करण्याच्या उद्देशाने क्राईम ब्रँच पोलीस Crime Branch Police असल्याचे सांगत सहा-सात जणांनी त्याला उठवले. आणि आरोपी जाधव येथे कोठे राहतो, त्याच्याकडे इनोव्हा Inova गाडी आहे असे विचारले. या प्रश्नांवर त्यावेळी पांडुरंग चव्हाण याने याबाबत काही माहिती नाही असे म्हणला. तसेच याबद्दल सोसायटीच्या चेअरमनला फोन करून विचारतो असे म्हंटला. तेव्हा तो वॉचमन त्यावेळेस आरोपी जाधव यालाच फोन लावत आहे असे म्हणत त्याला जबर मारहाण व शिवीगाळ केली. तसेच वॉचमनच्या पत्नी व मुलांनाही धमकावले. नीट राहा नाहीतर सगळ्यांना हाकलून देऊ अशीही धमकी दिली.

सोसायटी चेरमन राकेश शर्मा यांनी सांगितले की सीसीटीव्ही CCTV मध्ये पहाटे घडलेला संपूर्ण प्रकार कैद झाला आहे.

Edited By-Sanika Gade