

पुण्यातील वारजे परिसरात शुक्रवारी संध्याकाळी गोळीबाराची धक्कादायक घटना घडली. सुदैवाने एका पोलिस कर्मचाऱ्याने पुढील अनर्थ टळला. याचं कारण की शुक्रवारी सायंकाळी ६ वाजून ४० मिन सुमारास ५ जणांच्या टोळक्याने वारजे भागात असलेल्या एका सलून च्या दुकानात जाऊन एका तरुणावर गोळीबार केला. या घटनेत २ जणं जखमी झाले.
गोळीबार सुरू असतानाच वारजे पोलिस ठाण्यातील कर्मचाऱ्याने स्वतःचा जीव धोक्यात घालून घटनास्थळी म्हणजेच गोळीबार सुरू असताना संबंधित पिस्तूलधारी तरुणाला धरलं आणि त्याच्या ताब्यातील पिस्तूल काढून घेतलं. हा सगळा थरार सी सी टिव्ही मध्ये कैद झाला आहे.
या घटनेत एकूण ५ आरोपींची ओळख पटली असून यातील साहिल राऊत याला वारजे पोलिसांनी घटनास्थळीच ताब्यात घेतले, त्यामुळे पुढील अनर्थ टळला. वारजे पोलिस ठाण्यातील कर्मचारी त्या भागात पायी गस्त घालत असताना हा प्रकार घडला. २ दुचाकीवरून आलेल्या ५ जणांनी एकच सलून मध्ये प्रवेश केला. यातील एकाने त्याच्याकडील असलेल्या पिस्तुलातून शिंदेवर गोळीबार करायला सुरुवात केली.
त्याच परिसरातून पायी जात असलेल्या कर्मचाऱ्याने हे पाहिलं आणि स्वतःच्या जीवाची पर्वा न करता त्या आरोपीला धरून ठेवलं. यातील इतर जणं घटनास्थळावरून पळून गेले मात्र या कर्मचाऱ्याने एका व्यक्तीला पकडून ठेवलं आणि त्याच्याकडील पिस्तूल जप्त केली आणि त्यानंतर इतर पोलिस कर्मचाऱ्यांना कळवलं.
ही घटना निहाल शिंदे आणि आरोपी यांच्यातील पूर्वीच्या वैमनस्यातून घडली असून, जानेवारी २०२३ मध्ये घडलेल्या एका गुन्ह्याशी संबंधित असल्याची प्राथमिक माहिती पोलिसांनी दिली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.