पुण्यातील उपोषणकर्त्या आदिवासी विद्यार्थ्यांना मोठं यश, सरकारनं धडाधड GR काढले; 17 दिवसांनी आंदोलन मागे

पुण्यातून मोठी बातमी समोर आली आहे. मांजरी येथे सुरू असलेले आदिवासी विद्यार्थांचे उपोषण अखेर मागे घेण्यात आले आहे. तब्बल 17 दिवसांनी हे उपोषण मागे घेण्यात आले आहे. पुण्यातील छाञों की गुंज या प्रोग्राम मधून निशा साबळे या आंदोलक विद्यार्थींने थेट राहुल गांधींसमोरच या आंदोलकाच्या व्यथा मांडताच देशभर हे आंदोलन पोहोचलं होतं. राहुल गांधी यांनी थेट मुख्यमंञ्यांना पञ लिहून आदिवासी आंदोलकांच्या समस्या सोडवण्याची विनंती करताच राजकीय पक्षांनी आंदोलनात उडी घेतली आणि अखेर सरकार आंदोलकांशी चर्चा करायला तयार झाले.

अखेर आजच्या चौथ्या बैठकीनंर फेरीअखेर मुलाच्या बहुतांश मागण्या मान्य करण्यात आल्या आहेत. या आंदोलनाला रोहित पवार, सुजात आंबेडकर काँग्रेसचे आदिवासी राष्ट्रीय अध्यक्ष विक्रांत भुरिया, वसंत पुरके, सुजाता आंबेडकर या लोकांनी दिली होती भेट आणि इतर सामाजिक संघटना आणि राजकीय पक्षाचे पदाधिकाऱ्यांनी भेट दिली होती.