Pune Kolhapur daily express train : पुणे आणि कोल्हापूर या दोन शहरातून प्रवास करणाऱ्या लाखो प्रवाशांसाठी मध्य रेल्वेने एक अत्यंत दिलासादायक आणि मोठा निर्णय घेतला आहे. पुणे ते कोल्हापूर दरम्यान धावणारी विशेष (Special) रेल्वे आता कायमस्वरूपी 'दैनिक एक्सप्रेस' (Daily Express) म्हणून नियमितपणे चालवली जाणार आहे.
सध्या विशेष गाडी म्हणून धावणाऱ्या या ट्रेनला गाडी क्रमांक ११४१९ / ११४२० हा नवीन नियमित क्रमांक देण्यात आला असून, येत्या २० ऑक्टोबर २०२६ पासून ही गाडी नव्या वेळापत्रकासह आणि नियमित स्वरूपात रुळावर धावेल. विशेष गाड्यांचे बुकिंग अनेकदा ऐनवेळी उपलब्ध नसते किंवा त्या ठराविक कालावधीसाठीच चालवल्या जातात. आता ही गाडी दररोज (Daily) धावणार असल्यामुळे नोकरदार, व्यापारी, रुग्ण आणि पर्यटकांना आधीपासूनच प्रवासाचे नियोजन करणे सोपे जाईल.
पुणे-कोल्हापूर ट्रेनची वेळ काय?
गाडी क्रमांक 11419 ही दिनांक २०.१०.२०२६ पासून दररोज पुणे येथून २१.४० वाजता सुटेल आणि कोल्हापूर येथे दुसऱ्या दिवशी ०५.०८ वाजता पोहोचेल. तर गाडी क्रमांक 11420 ही दिनांक २०.१०.२०२६ पासून दररोज कोल्हापूर येथून २१.५० वाजता सुटेल आणि पुणे येथे दुसऱ्या दिवशी ०५.१० वाजता पोहोचेल.
पुणे-कोल्हापूर कोणत्या स्थानकावर थांबणार ?
सासवड रोड, जेजुरी, निरा, लोणंद, वाठार, सातारा, कोरेगाव, रहिमतपूर, तारगाव, मसूर, कराड, ताकारी, किर्लोस्करवाडी, भिलवडी, सांगली, मिरज, जयसिंगपूर, हातकणंगले, रुकडी आणि विळवडे य स्थानकावर थांबा आहे. त्यामुळे ग्रामीण आणि शहरी भागातील प्रवाशांना थेट कनेक्टिव्हिटी मिळणार आहे.
गाडीची संरचना कशी असेल?
१ वातानुकूलित द्वितीय, ४ वातानुकूलित तृतीय, ७ शयनयान, ४ सामान्य द्वितीय श्रेणी, १ द्वितीय आसनासह गार्ड्स ब्रेक व्हॅन आणि १ जनरेटर कार.
तिकीट दर किती असू शकतात? (अंदाजित माहिती)
विशेष (Special) गाड्यांचे तिकीट दर नियमित गाड्यांपेक्षा १०% ते ३०% जास्त असतात. आता ही गाडी 'नियमित एक्सप्रेस' झाल्यामुळे तिकिटाचे दर कमी होतील आणि प्रवाशांचे पैसे वाचतील. रेल्वेच्या नेहमीच्या दरपत्रकानुसार (पुणे ते कोल्हापूर सुमारे ३२५ किमी अंतरासाठी) अंदाजित तिकीट दर खालीलप्रमाणे असू शकतात, असा अंदाज आहे.
जनरल (General Unreserved): ₹१३० ते ₹१५०
स्लीपर क्लास (Sleeper / SL): ₹२३५ ते ₹२६०
थर्ड एसी (3-Tier AC / 3A): ₹६३० ते ₹६८०
सेकंड एसी (2-Tier AC / 2A): ₹८९० ते ₹९५०
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.