Pune Police : पुण्याच्या कोथरुडममधील मुलींना मारहाण करणं भोवलं? पोलीस निरीक्षकांसह ७ कर्मचाऱ्यांवर गुन्हा दाखल होणार

अक्षय बडवे, साम टीव्ही

पुणे : पुण्याच्या कोथरुडममधील मुलींना मारहाण करणं पोलिलांना भोवल्याचं समोर येत आहे. तीन मुलींना मारहाण आणि जातीवाचक शब्दात शिवीगाळ केल्याच्या आरोपानंतर पोलिस स्टेशनमध्ये पोलीस कर्मचाऱ्यांवर गुन्हा दाखल करण्यात नकार दिला होता. मात्र, पुणे जिल्हा सत्र न्यायालयात हे प्रकरण गेल्यानंतर संबंधित पोलीस कर्मचाऱ्यांवर गुन्हा दाखल करण्याचे निर्देश देण्यात आले आहेत.

नेमकं काय घडलं होतं?

पुण्यातील कोथरूड पोलिसांनी तीन मुलींना मारहाण आणि जातीवाचक शब्दात शिवीगाळ केल्याचा आरोप मुलींनी केला होता. कारवाईच्या मागणीसाठी या पीडित मुलींनी पुणे पोलीस आयुक्तालयात ठिय्या आंदोलन सुद्धा केलं होतं. वंचित बहुजन आघाडीच्या नेत्या अंजलीताई आंबेडकर, सुजात आंबेडकर, आमदार रोहित पवार यांनी त्या मुलींच्या उपस्थितीत पोलिसींची भेट घेऊन कारवाईची मागणी केली होती.

छत्रपती संभाजीनगर जिल्ह्यातील 23 वर्षीय विवाहित महिला आपल्या पतीकडून होणाऱ्या सततच्या मानसिक आणि शारीरिक त्रासाला कंटाळून पुण्यात आली होती. त्या मुलीला मदत केलेल्या तीन मुलींना स्थानिक पोलिसांकडून कोणतीही पूर्वसूचना न देता ताब्यात घेतलं गेलं. तसेच त्या महिलांवर पोलीस स्टेशनमध्ये जातीवाचक शिवीगाळ, मारहाण आणि लैंगिक अपमान केल्याचा आरोप मुलींनी केला होता.

कोथरूड पोलीस ठाण्याचे तात्कालीन सहायक पोलिस निरीक्षक प्रेमा पाटील, कर्मचारी श्रुती कडणे, संभाजीनगर पोलिस स्टेशनचे अमोल कामटे आणि महिला कॉन्स्टेबल संजीवनी शिंदे, पोलीस हवालदार विनोद परदेशी, सायबर पोलीस विभागाचे धनंजय सानप, छत्रपती संभाजीनगरचे माजी पोलीस अधिकारी सखाराम सानप यांच्यावर आता गुन्हा दाखल करावा, असे निर्देश कोर्टाने दिले आहेत. या प्रकरणाचा तपास आता सहाय्यक पोलिस आयुक्त यांनी तपास करावा असा आदेश सुद्धा कोर्टाने दिले आहेत.