पिंपरी-चिंचवडमध्ये मध्यरात्री हवेत गोळीबाराची घटना घडली होती. काळेवाडी येथील नडेनगरमध्ये ही घटना घडली होती. पिंपरी चिंचवड शहरातील राष्ट्रवादी काँग्रेस अजित पवार गटाच्या माजी नगरसेवकाने आणि त्याच्या चुलत भावाने काल रात्री एका बार अँड रेस्टॉरंटमध्ये गोळीबार केला होता. याप्रकरणी वाकड पोलिसांनी दोघांना देखील अटक केली. या घटनेमुळे पिंपरी-चिंचवडमध्ये खळबळ उडाली आहे.
मिळालेल्या माहितीनुसार, पिंपरी-चिंचवडच्या काळेवाडीमधील नडेनगरमध्ये मध्यरात्री तीनच्या सुमारास गोळीबाराची घटना घडली होती. गोळीबाराच्या आवाजाने नागरिकांमध्ये भीतीचे वातावरण होते. हा गोळीबार नेमका कोणावर करण्यात आला होता यामागचे कारण अद्याप समोर आले नाही. पण याप्रकरणी वाकड पोलिसांनी माजी नगरसेवक विनोद नढे आणि सचिन नढे यांना अटक केली आहे.
विनोद नढे आणि ज्योतिबा नढे असं गोळीबार करणाऱ्या आरोपीची नाव आहेत. या दोन्ही आरोपींनी काल रात्री पावणे दहाच्या सुमारास काळेवाडी पेट्रोल पंपासमोरील राहुल बार अँड खुशबू हॉटेलच्या पहिल्या मजल्यावर गोळीबार केला. हवेत आणि लाकडी टेबलवर या दोन्ही आरोपींनी गोळीबार केला. गोळीबार करणाऱ्या विनोद नढे आणि सचिन नढे या दोन्ही आरोपींना बार मालकाच्या फिर्यादीवरून वाकडं पोलिसांनी गुन्हा दाखल करुन दोन्ही आरोपींना बेड्या ठोकल्या .
गोळीबार करणारा ज्योतिबा नढे हा रेकॉर्डवरील गुन्हेगार असून त्याच्याविरोधात सांगवी, वाकड आणि पिंपरी पोलिस स्टेशनमध्ये यापूर्वी देखील गंभीर स्वरूपाचे गुन्हे दाखल आहेत. तर विनोद नढे हे पिंपरी चिंचवड महापालिकेतील राष्ट्रवादी काँग्रेस अजित पवार गटाचे माजी नगरसेवक आहेत. अजित पवार गटाच्या माजी नगरसेवक आणि त्याच्या चुलत भावाकडून बारमध्ये गोळीबार झाल्याने काळेवाडी परिसरात मोठी खळबळ उडाली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.