Dharashiv News: ब्रेकिंग! तानाजी सावंत यांच्या पुतण्याच्या बंगल्यासमोर गोळीबार; महायुतीच्या सभेआधी धक्कादायक प्रकार

बालाजी सुरवसे, धाराशिव|ता. १३ सप्टेंबर

Dharashiv Firing News: धाराशिवमधून एक मोठी बातमी समोर आली आहे. राज्याचे आरोग्यमंत्री तानाजी सावंत यांचे पुतणे धनंजय सावंत यांच्या परंडा तालुक्यातील सोनारी येथील घरासमोर गोळीबार झाल्याचा धक्कादायक प्रकार समोर आला आहे. काल मध्यरात्री 12 वाजून 37 मिनिटांनी दोन अज्ञात इसमांनी दुचाकीवर येऊन गोळीबार केल्याचा दावा धनंजय सावंत यांच्या सुरक्षारक्षका कडून करण्यात आला आहे. या घटनेने धाराशिव जिल्ह्यासह राजकीय वर्तुळात एकच खळबळ उडाली आहे.

याबाबत सविस्तर माहिती अशी की, शिवसेना शिंदे गटाचे नेते आणि राज्याचे आरोग्यमंत्री तानाजी सावंत यांचे पुतणे धनंजय सावंत यांच्या घरासमोर गोळीबार झाल्याची धक्कादायक घटना समोर आली आहे. धाराशिव जिल्ह परंडा तालुक्यातील सोनारीमधील बंगल्यासमोर हा गोळीबाराचा थरार घडला. या गोळीबाराच्या घटनेने राजकी. वर्तुळात एकच खळबळ उडाली आहे.

गुरुवारी (ता. १२ सप्टेंबर) मध्यरात्री १२ वाजून ३७ मिनिटांनी दोन अज्ञात इसमांनी दुचाकीवर येऊन गोळीबार केल्याचा दावा धनंजय सावंत यांच्या सुरक्षा रक्षकांकडून करण्यात आला आहे. याबाबत तक्रार देण्यासाठी सावंत यांचे सुरक्षारक्षक आंबी पोलीस ठाण्यात दाखल झाले आहेत. गोळीबार कोणी केला हे अद्याप स्पष्ट झाले नसून पोलीस त्याचा योग्य तपास करतील अशी अपेक्षा धनंजय सावंत यांनी व्यक्त केली आहे.

धक्कादायक बाब म्हणजे मुख्यमंत्री एकनाथ शिंदे, उपमुख्यमंत्री तथा गृहमंत्री देवेंद्र फडणवीस यांच्यासह इतर नेते हे उद्या 14 सप्टेंबर रोजी परंडा येथे येणार आहेत, मात्र या दौऱ्याच्या आदल्या दिवशी गोळीबाराची घटना घडल्याने जिल्ह्यात एकच खळबळ उडाली आहे. पोलीस या प्रकरणाचा अधिक तपास करत आहेत.