Vishwas Nangre Patil : गड आला पण सिंह गेला! स्वप्निल गरड यांच्या निधनावर विश्वास नांगरे पाटलांची भावनिक पोस्ट

Pune News : पुणे पोलीस दलातील पोलीस कॉन्स्टेबल स्वप्निल गरड यांचा एव्हरेस्ट शिखर सर केल्यानंतर परतताना निधन झालं आहे. एव्हरेस्ट शिखर सर केल्यानंतर गरड यांना हाय अल्टिट्यूड सेरेब्रल ओडेमा (HECO) मुळे खूप त्रास झाल्याने त्यांचा निधन झालं आहे.

स्वप्नील गरड यांच्या पार्थिवावर रविवार सकाळी मुंढवा येथील स्मशानभूमीत शासकीय इतमामात अंत्यसंस्कार करण्यात आले होते.  (Pune News)

ACBचे अतिरिक्त पोलील महासंचालक विश्वास नांगरे पाटील यांनी देखील स्वप्निल गरड यांना श्रद्धांजली वाहिली आहे. गड आला पण सिंह गेलं असं विश्वास नांगरे पाटील यांनी म्हटलं आहे.

विश्वास नांगरे पाटील यांची पोस्ट

विश्वास नांगरे पाटील यांनी आपल्या पोस्टमध्ये म्हटलं की, पोलीस हेड कॉन्स्टेबल स्वप्नील गरड याने जिद्द आणि धैर्याने एव्हरेस्ट शिखर सर केले. मात्र दुर्दैवाने त्याला शिखरावर गेल्यानंतर हाय अल्टिट्यूड सेरेब्रल ओडेमा (HECO) मुळे खूप त्रास झाला आणि काठमांडू येथील रुग्णालयात त्याचा मृत्यू झाला. (Latest News)

स्वप्निल एक अतिशय प्रामाणिक पोलीस, नम्र माणूस आणि महान गिर्यारोहक होता. मला त्याच्या डोळ्यातील सर्वात मोठी उंची गाठण्यासाठीची आकांक्षा आणि स्वप्ने स्पष्टपणे आठवतात. त्यांच्या आत्म्याला शांती लाभो.

हा असह्य धक्का आहे. या धक्क्यातून सावरण्यासाठी ईश्वर त्यांच्या कुटुंबियांना शक्ती देवो. आम्हा महाराष्ट्र पोलिसांना तुझा अभिमान आहे. स्वप्नील तुझे नाव दलातील शूर योद्ध्यांच्या यादीत कोरले गेले आहे.