Pune Local Mega Block: पुणेकरांसाठी मोठी बातमी! आज दिवसभर रेल्वेचा मेगाब्लॉक; पुणे- लोणावळा लोकल रद्द; वाचा सविस्तर..

सचिन जाधव, पुणे| ता. १० डिसेंबर २०२३

Pune Railway Mega Block:

पुणे रेल्वे स्थानकातून प्रवास करणाऱ्या प्रवाशांसाठी सर्वात मोठी आणि महत्वाची बातमी. आज रविवार( १०, डिसेंबर) रोजी पुणे ते लोणावळा मार्गावर रेल्वेचा मेगा ब्लॉक राहणार आहे. पुणे ते लोणावळा दरम्यान आज दुरुस्तीच्या तांत्रिक कामासाठी हा मेगा ब्लॉक घेण्यात येणार आहे. (Pune Railway Mega Block)

याबाबत सविस्तर माहिती अशी की, पुणे ते लोणावळा (Pune- Lonavala) दरम्यान आज (रविवार, १० डिसेंबर) दुरुस्तीच्या तांत्रिक कामासाठी रेल्वेचा मेगाब्लॉक राहणार आहे. त्यामुळे लोणावळा पुणे मार्गावर धावणाऱ्या अनेक लोकल गाड्या रद्द करण्यात आल्या आहेत. सकाळी नऊ वाजल्यापासून हा मेगाब्लॉक (Mega Block) असेल.

त्यामुळे पुण्यातून लोणावळ्याकडे जाणाऱ्या सात लोकल (Pune Local) बंद राहतील. या सातही लोकलच्या एकूण चौदा फेऱ्या रद्द करण्यात आल्या आहेत. सकाळी नऊ वाजल्यापासून ते सांयकाळी सहा वाजेपर्यंत या गाड्या बंद असतील.

'मुंबई'तही मेगा ब्लॉक

मुंबईची (Mumbai) जीवनवाहिनी समजल्या जाणाऱ्या लोकल रेल्वेचा आज मेगाब्लॉक असणार आहे. रविवारी मुंबई लोकलच्या दोन्ही मार्गांवर मेगाब्लॉक घेण्यात येणार आहे. विविध अभियांत्रिकी आणि देखभालीची कामे करण्याकरिता उपनगरीय विभागांवर मेगा ब्लॉक घेण्यात येणार आहे. (जाणून घ्या मुंबईमधील लोकलच्या मेगाब्लॉकबद्दल सविस्तर)