उन्हाळा सुरु झाला की लग्न, जागरण गोंधळ, कंदुरी आणि जत्रात मटणाचे फक्कड बेत आखले जातात. तुम्ही असा बेत आखत असाल तर सावधान. कारण मटणाचा बेत जीवावर बेतू शकतो. त्याचं झालं असं की, इंदापुरात 70 वर्षांच्या आजोबाला मटण खाणं चांगलंच महागात पडलंय.. मटणातलं हाड चावून खाताना ते थेट आजोबाच्या घशात गेलं आणि त्या हाडकामुळं अन्ननलिकेला छिद्र पडलं. शेवटी डॉक्टरांनी ऑपरेशन करुन आजोबांचा जीव वाचवला. मात्र हे नेमकं कसं घडलं? पाहूयात.
24 फेब्रुवारीला आजोबा लग्नाला गेले
लग्नात जेवताना मटणाचं हाड घशात अडकलं
घरच्यांनी इंदापूरात दवाखान्यात नेलं
आजोबांना ससून हॉस्पिटलमध्ये दाखल केलं
डॉक्टरांनी सीटी स्कॅन केला आणि 5 सेंटीमीटरचं हाड आढळलं
इंडोस्कोपी करुन ते हाड बाहेर काढलं
त्यानंतर स्टेंट टाकून अन्ननलिकेचं छिद्र बुजवलं
मात्र हे ऑपरेशन प्रचंड गुंतागुंतीचं असल्याचं डॉक्टरांनी सांगितलंय.
आता उन्हाळ्याच्या सुट्ट्या, जत्रा आणि कार्यक्रमही सुरु होत आहेत. त्यामुळे तुम्ही मटणाचा बेत करत असाल तर डोळे उघडे ठेवा..कारण मटणाची मज्जा जीवापेक्षा मोठी नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.