Pune Accident : पुण्यात आमदाराच्या कारने चिमुकलीला उडवले, अपघाताचा CCTV व्हिडिओ समोर

Pune–Ahmednagar highway accident involving MLA’s car : पुण्यात आमदार ज्ञानेश्वर कटके यांच्या मर्सिडीज कारने चार वर्षांच्या मुलीला धडक दिल्याचा सीसीटीव्ही व्हिडिओ समोर आला आहे. मुलगी गंभीर जखमी असून उपचार सुरू आहेत. अपघातानंतर कार न थांबता पुढे गेल्याने स्थानिकांत संताप व्यक्त केला जात आहे.
MLA Dnyaneshwar Katke’s Mercedes Hits 4-Year-Old Girl
MLA Dnyaneshwar Katke’s Mercedes Hits 4-Year-Old GirlSaam TV Marathi News
Published On

सागर आव्हाड, पुणे प्रतिनिधी

Pune Accident CCTV Video : पुण्यातील अजित पवार यांच्या राष्ट्रवादी काँग्रेसचे आमदार ज्ञानेश्वर कटके यांच्या कारने एका चिमुकलीला उडवल्याची घटना घडली आहे. या अपघाताचा सीसीटीव्ही व्हिडिओ समोर आला आहे. रविवारी दुपारी दोन वाजताच्या आसपास पुणे–अहिल्यानगर महामार्गावर शिरूरच्या बोऱ्हाडेमळा परिसरात हा अपघात झाला आहे. ज्ञानेश्वर कटके कारमध्ये होते की नाही? चर्चेला उत आला आहे. नगर परिषद आणि नगर पंचायत निवडणुकीच्या प्रचाराच्या रणधुमाळीत हा अपघात झालाय. (MLA Dnyaneshwar Katke’s Mercedes Hits 4-Year-Old Girl)

अजित पवार यांच्या राष्ट्रवादी काँग्रेसचे शिरूर हवेलीचे आमदार ज्ञानेश्वर कटके यांच्या भरधाव मर्सिडीज कारने चार वर्षीय मुलीला उडवल्याची घटना घडली. शिरूरच्या बोऱ्हाडेमळा परिसरात पुणे–अहिल्यानगर महामार्गावर (Pune–Ahmednagar highway accident involving MLA’s car) अपघाताचा थरार घडला. या अपघातात ४ वर्षांची शुभ्रा पंढरीनाथ बोऱ्हाडे गंभीर जखमी झाली आहे. तिच्यावर रूग्णालयात उपचार सुरू आहेत. मुलीला जोरात धडक दिल्यानंतर कार थोडीही जागेवर थांबली नाही. ती भरधाव वेगात घटनास्थळावरून निघून गेल्याचे सीसीटीव्हीत दिसतेय.

MLA Dnyaneshwar Katke’s Mercedes Hits 4-Year-Old Girl
Local Body Election : नगर परिषद, नगरपंचायत प्रचाराचा आज शेवटचा दिवस, रात्री १० वाजता तोफा थंडावणार

आमदाराच्या कारने चिमुकलीला धडकल्याच्या घटनेचे सीसीटीव्ही फुटेज समोर आले आहे. ४ वर्षांची शुभ्रा रविवारी दुपारी २ वाजताच्या आसपास नाशिककडे जाणारा महामार्ग ओलांडत होती. त्याचवेळी वाघोलीहून शिरूरकडे प्रचारासाठी येत असलेल्या आमदार कटके यांच्या काळ्या रंगाच्या मर्सिडीज (MH 12 1391) कारने धडक दिली. धडक इतकी भीषण होती की मुलगी चेंडूसारखी उडत काही फुटांवर जाऊन डांबरी रस्त्यावर पडली. मुलीला गंभीर दुखापत झाली आहे. दात पडणे, जबड्याला गंभीर दुखापत तसेच चेहऱ्याला खोल जखमा झाल्या आहेत, अशी माहिती प्रत्यक्षदर्शींनी दिली.

MLA Dnyaneshwar Katke’s Mercedes Hits 4-Year-Old Girl
Shahajibapu Patil : शिंदेसेना-भाजप वाद चिघळणार? शिंदेंच्या जवळच्या नेत्याच्या कार्यालयावर छापा, जाहीर सभेनंतर आयोगाची धडक कारवाई

मुलीला कारने उडवल्याचे समजताच स्थानिकांनी तात्काळ धाव घेतले. त्यांनी ४ वर्षाच्या मुलीला तात्काळ शिरूरच्या वात्सल्य रूग्णालयात दाखल केले. प्राथमिक उपचारांनंतर तिला तातडीने पुण्यातील केएम हॉस्पिटलमध्ये हलवण्यात आले. रुग्णालयाकडून आम्हाला कोणती माहिती मिळालेली नाही. तक्रार देण्यासाठी कोणी आलेले नाही, अशा प्रतिक्रिया देण्यात येत होत्या. यामुळे घटना दडपण्याचा प्रयत्न झाला का? असा सवाल उपस्थित करण्यात येत आहे. पोलिसांकडून या घटनेचा तपास केला जाणार का? असा सवाल केला जात आहे.

MLA Dnyaneshwar Katke’s Mercedes Hits 4-Year-Old Girl
Horoscope Today : सोमवारचा दिवस ४ राशींसाठी ठरणार भाग्याचा; ८ राशींचं काय? वाचा आजचे राशीभविष्य

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com