Nagar Parishad and Nagar Panchayat : राज्यातल्या नगर परिषदा आणि नगरपंचायत निवडणुकीच्या प्रचाराची आज रात्री १० वाजता सांगता होत आहे. उद्या सकाळी ७:३० वाजल्यापासून मतदानाला सुरुवात होणार आहे. ३ डिसेंबर रोजी मतमोजणीनंतर निकाल जाहीर केले जातील. अपक्ष उमेदवारांना प्रचारासाठी कमी वेळ मिळाल्याने मुदत वाढवून देण्यात आली होती, अशी माहिती समोर आली आहे. आज रात्री १० वाजेपर्यंत उमेदवारांना प्रचार करता येणार असून, त्यानंतर प्रचार तोफा थंडावतील.
महायुतीच्या आज पुण्यात सभांचा धडाका -
पुणे जिल्ह्यात मुख्यमंत्री देवेंद फडणवीस आणि दोन्ही उपमुख्यमंत्री यांच्या सभा होणार आहेत. मुख्यमंत्री देवेंद्र फडणवीस यांची भोरमध्ये सभा तर एकनाथ शिंदे यांची चाकण आणि जुन्नर येथे सभा होणार आहे. उपमुख्यमंत्री अजित पवार यांची पुणे जिल्ह्यातील राजगुरुनगर,चाकण,आळंदी येथे सभा होईल.पुणे जिल्ह्यात अनेक ठिकाणी चुरशीच्या लढती होत आहे. उपमुख्यमंत्री आणि पुण्याचे पालकमंत्री अजित पवार यांची प्रतिष्ठा पणाला लागली आहे. त्यातच आता पुण्यात फडणवीस,शिंदे आणि पवार यांच्या सभा होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.