
इंदापुरात पिसाळलेल्या कुत्र्याचा धुमाकूळ
१७ जणांना कुत्र्यानं चावा घेतला, घटना सीसीटीव्हीत कैद
भटक्या कुत्र्यांच्या प्रश्नावर पुन्हा वादंग
रेबीज आजाराचा धोका वाढल्याने नागरिकांमध्ये भीती
सचिन जाधव, साम प्रतिनिधी
दिल्लीत भटक्या श्वानांचा प्रश्न ऐरणीवर आलाय. भटक्या कुत्र्यांना शेल्टर होममध्ये नेण्यात यावे, असे आदेश सुप्रीम कोर्टाने दिलेत. मात्र त्याला प्राणी मित्रांकडून विरोध केला जात आहे. त्याचदरम्यान राज्यातही भटक्या कुत्र्यांचा प्रश्न ऐरणीवर आलाय. पिसाळलेले कुत्र्याने चावा घेतल्यानंतर माणसाला रेबीज आजार होण्याची शक्यता असते. त्यामुळे भटक्या कुत्र्यांचा बंदोबस्त करण्यात यावा, अशी मागणी केली जात आहे.त्याच दरमयान इंदापुरात एका पिसाळलेल्या कुत्र्यानं धुमाकूळ घातलाय. शहरातील १७ जणांना चावा घेतलाय.
पिसाळलेला कुत्रा रस्त्यावर जो दिसेल त्याचा चावा घेत असल्याचा व्हिडिओ सोशल मीडिआवर व्हायरल झालाय. इंदापूर शहरात आज पिसाळलेल्या कुत्र्याने १७ हुन अधिक नागरिकांना चावा घेतला आहे. मोटारसायकलवरून जाणाऱ्या महिला आणि पुरुषाला चावा घेतल्याची घटना सीसीटीव्हीत कैद झाली आहे. ही घटना आज पुणे- सोलापूर महामार्गावर घडलीय. एका चौकातील दुकानातील सीसीटीव्ही कॅमेरेमध्ये कुत्र्याच्या झाल्याची घटना कैद झाली आहे. पिसाळलेल्या कुत्र्याचा शोध घेतला असून तो अजून सापडला नाहीये.
याहून गंभीर बाब म्हणजे हे सर्व जखमी इंदापूर उपजिल्हा रुग्णालयात उपचारासाठी गेले असता त्या ठिकाणी पिसाळलेला कुत्रा चावल्याची लस उपलब्ध नसल्याचे सांगून त्यांना बारामतीला जा, असा सल्ला डॉक्टरांने त्यांना दिला. त्यामुळे नागरिकांनी नाराजी व्यक्त केलीय. पालिका प्रशासन भटक्या कुत्र्यांचा बंदोबस्त कधी करणार, असा प्रश्न उपस्थित करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.