पुण्यातील हिंजवडीत एका अभियंता तरूणीने २१ व्या मजल्यावरून उडी घेत आयुष्य संपवलं. तिने टोकाचं पाऊल का उचललं? याचं कारण अद्याप समोर आलेलं नाही. सकाळी ४:३० वाजता ती सोसायटीमध्ये शिरली. लिफ्टमधून २१ व्या मजल्यावर गेली आणि तिने इमारतीवरून उडी घेत आत्महत्या केली. आत्महत्या केल्यानंतर तिचा मृतदेह शवविच्छेदनासाठी रूग्णालयात पाठवण्यात आलं. शवविच्छेदन अहवालात धक्कादायक माहिती समोर आली आहे.
अभिलाषा भाऊसाहेब कोथंबिरे (वय वर्ष २५) असे मृत तरूणीचे नाव आहे. तिने हिंजवडीतील द क्राऊन ग्रीन सोसायटीच्या २१ व्या मजल्यावरून उडी घेत आत्महत्या केली आहे. आत्महत्या केल्यानंतर पोलिसांनी मृतदेह ताब्यात घेत शवविच्छेदनासाठी रूग्णालयात पाठवलं. दरम्यान, शवविच्छेदन अहवालात धक्कादायक माहिती समोर आली आहे. शवविच्छेदन अहवालात शरीरावरील महत्त्वाच्या अवयवांना गंभीर इजा झाली असल्याचं नमूद करण्यात आलं आहे.
अभियंता तरूणीच्या आत्महत्याप्रकरणी हिंजवडी पोलीस ठाण्याचे वरिष्ठ निरीक्षक कन्हैया थोरात यांनी अभिलाषाच्या आकस्मिक मृत्यूची नोंद केली आहे. पोलिसांनी दिलेल्या माहितीनुसार, मृत्यूपूर्वी तिने एक सुसाईड नोट लिहिली होती. 'सॉरी मला माफ करा, मी स्वच्छेनं माझं आयुष्य संपवत आहे. माझी जगायची इच्छा संपली आहे', असं तिनं चिठ्ठीत लिहिलं होतं.
अभिलाषाचा आत्महत्या करण्यापूर्वीचा एक सीसीटीव्ही व्हिडिओ समोर आला आहे. या व्हिडिओमध्ये लिफ्ट दिसत आहे. लिफ्टमध्ये तरूणी शिरते आणि २१ मजल्यावर जात असल्याचं दिसत आहे. तरूणीने स्कार्फ बांधले असल्याचं दिसत आहे. दरम्यान, तरूणीने आत्महत्या का केली? तरूणीनं टोकाचं पाऊल का उचललं? याचा शोध पोलीस घेत आहे. या घटनेनंतर परिसरात खळबळ उडाली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.