Pune News: रस्त्यावरच तरूणाचा नंगानाच, लंघुशंका करत मद्यधुंद अवस्थेत अश्लील चाळे; VIDEO व्हायरल

पुण्यातील स्वारगेट बस डेपोतील बलात्कार प्रकरण ताजे असतानाच शास्त्रीनगरात आणखी एक धक्कादायक घटना घडली आहे. एका मद्यधुंद तरूणानं शास्त्रीनगरच्या भरचौकात अश्लील चाळे केले आहेत. तसेच लघुशंका केली आहे. तर, दुसरा तरूण बीएमडब्ल्यू कारमध्ये दारूची बाटली घेऊन बसला आहे.

दोघेही हुल्लडबाजी करताना दिसत आहेत. ही घटना सकाळच्या सुमारास शास्त्रीनगरच्या चौकात घडली आहे. आजुबाजुच्या लोकांनी जाब विचारला असता, दोघेही तरूण आपली कार घेऊन फुल स्पीडमध्ये पसार झालेत. येरवडा पोलिसांकडून तरूणांसह कारचा शोध सुरू आहे.

मिळालेल्या माहितीनुसार, पुण्याच्या येरवडा भागामध्ये शास्त्रीनगर चौकात दोन बड्या बापाच्या तरूणांचा नंगानाच पाहायला मिळाला आहे. दोन्ही तरूण हे बीएमडब्ल्यू कारमध्ये होते. यापैकी एक तरूण गाडीतून उतरून चौकात लघुशंका करायला उतरला. नंतर त्यानं अश्लील चाळे केले आहेत. तर, दुसरा तरूण कारमध्ये बसला असून, त्याच्या हातात दारूची बाटली दिसत आहे.

लघुशंका केल्यानंतर तो तरूण पुन्हा कारमध्ये बसला. कारमध्ये बसल्यानंतर त्यानं पुन्हा कॅमेरासमोर अश्लील चाळे केले आहेत. परिसरातील लोकांनी त्याला जाब विचारले असता, हुल्लडबाजी करणारे तरूण सुसाट वेगानं वाघोलीच्या दिशेनं पसार झाले.

या घटनेनंतर व्हिडिओ शूट करणाऱ्या तरूणानं सोशल माध्यमांमध्ये पोस्ट केला. या घटनेची माहिती मिळताच पोलिसांनी आरोपीविरोधात तक्रार दाखल केली आहे. तसेच येरवडा पोलिसांकडून तरूणांसह कारचा शोध सुरू आहे. या प्रकरणानंतर पुणेकरांमध्ये संतापाची लाट उसळली आहे.