सचिन जाधव, प्रतिनिधी...
Khadakwasla Crime News: पुण्यातील सिंहगड रोड परिसरातून एक धक्कादायक प्रकार समोर आला आहे. सिंहगड रस्त्यावरील खडकवासला गावच्या हद्दीत कोल्हेवाडी येथे सराईत गुन्हेगाराने हॉटेलची तोडफोड करून कामगारांना मारहाण करत पैसे लुटल्याची घटना समोर आली आहे. काल रात्री नऊ वाजण्याच्या सुमारास घडलेल्या या घटनेने परिसरात खळबळ उडाली आहे. (Crime News in Marathi)
याबाबत समोर आलेल्या माहितीनुसार, वैभव इक्कर (वय 22, रा. कोल्हेवाडी, खडकवासला) असे या सराईत गुन्हेगाराचे नाव आहे. वैभव इक्कर व त्याचा एक साथीदार एका हॉटेलमध्ये गेले होते. यावेळी त्यांनी कर्मचाऱ्यांसोबत अगोदर हुज्जत घालून दारुच्या बाटल्या फोडल्या.
तसेच काही वेळानंतर त्यांंनी हॉटेलमधील कामगारांना मारहाण करत फ्रीज, काचेचे दरवाजे, दारुच्या बाटल्या यांसह इतर वस्तूंची तोडफोड करत सुमारे एक ते दिड लाखाचे नुकसान केले. यावेळी गुन्हगाराने गल्ल्यातील पंचवीस ते तीस हजार रुपये काढून घेतले.
पोलिस निरिक्षकालाही मारहाण..
धक्कादायक म्हणजे याबाबत माहिती मिळाल्यानंतर कारवाईसाठी आलेले हवेली पोलीस ठाण्याचे सहाय्यक पोलीस निरीक्षक यांनाही गुन्हेगाराने मारहाण केली आहे. या घटनेमुळे परिसरात एकच खळबळ उडाली आहे.
आरोपीवर सरकारी कामात अडथळा आणल्याचे तब्बल तीन गुन्हे दाखल असून इतरही अनेक गंभीर गुन्हे दाखल आहेत. या प्रकरणी हवेली पोलिसांनी गुन्हा दाखल केला असून अधिक तपास करत आहेत. (Latest Marathi News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.