पुण्यामध्ये श्वानाला फासावल लटकवत त्याच्यावर गोळ्या झाडल्याची धक्कादायक घटना समोर आली आहे. पुण्यातल्या पिरंगुट परिसरात हा प्रकार घडला आहे. मालकानेच आपल्या पाळीव श्वानाची निर्घृणपणे हत्या केली. या घटनेमुळे पुण्यात खळबळ उडाली आहे. याप्रकरणी श्वान मालकाविरोधात गुन्हा दाखल करण्यात आला आहे. पोलिस सध्या तपास करत आहेत.
मिळालेल्या माहितीनुसार, पिरंगुटमध्ये एका तरुणाने आपल्या पाळीव श्वानाला फासावर लटकावून त्याला जीवे मारल्याचा प्रकार उघडकीस आला आहे. याप्रकरणी पौड पोलिस ठाण्यात श्वान मालकाविरुद्ध गुन्हा दाखल करण्यात आला आहे. पिरंगुट परिसरात राहणाऱ्या या तरुणाने आपल्या पाळीव श्वानाला फासावर लटकावल्याचा प्रकार मंगळवारी समाज माध्यमातून प्रसारित झाला. या प्रकारामुळे नागरिकांकडून प्रचंड संताप आणि राग व्यक्त केला जात आहे.
पौड पोलिसांनी दिलेल्या माहितीनुसार, या प्रकरणी श्वान मालकाविरोधात गुन्हा दाखल करण्यात आला आहे. श्वान पिसाळल्याचा दावा त्याच्या मालकाने केला आहे. त्यामुळेच त्याने त्याची हत्या केली असल्याचे सांगितले आहे. परंतु त्यामध्ये तथ्य वाटत नाही. मृत श्वानाचे शवविच्छेदन करण्यात येणार आहे. पौड पोलिसांनी आरोपी श्वान मालकाला ताब्यात घेतले असून कायद्यानुसार कारवाई करण्यात येत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.