Shocking : व्हॅलेंटाईन डेला भयंकर घडलं, तरुणानं संपवली जीवनयात्रा; धक्कादायक कारण उघड

गोपाळ मोटघरे, पुणे

सर्वत्र आज व्हॅलेंटाईन डेचं वातावरण असून तरुणाईसाठी या दिवसाला अनन्यसाधारण महत्त्व आहे. तरुण मंडळी या दिवशी एकमेकांच्या प्रति असलेलं प्रेम व्यक्त करतात. एकमेकांसोबत वेळ घालवतात. मात्र व्हॅलेंटाईन डे च्या दिवशी पिंपरी चिंचवड शहरात एक अतिशय धक्कादायक घटना घडली आहे. एका तरुणाने गळफास घेत आपली जीवनयात्रा संपवली आहे. प्राथमिक तपासात ही आत्महत्या प्रेमसंबंधातून केली असल्याचं म्हटलं जात आहे. याप्रकरणी पोलीस सखोल तपास करत आहेत.

मिळालेल्या माहितीनुसार, चिंचवड पोलीस स्टेशन हद्दीतील गुरुद्वारा चौका जवळील एका घरात समर्थ संजय माली ( २३ वर्षे) या तरुणाने काही वेळापूर्वी गळफास घेत आत्महत्या केली आहे. समर्थ माळी हा मूळचा सोलापूर जिल्ह्यातील रहिवासी आहे. मात्र तो मागील काही दिवसापासून आकुर्डी रेल्वे स्टेशन जवळील गुरुद्वारा कॉलनी परिसरात आपल्या मित्रांबरोबर राहायला होता.

आज दुपारी त्याचे मित्र मेसवर जेवण करायला बाहेर गेले असता त्याने रूममध्ये कोणीही नसताना गळफात घेत आपलं जीवन संपवल. प्राथमिक तपासात समर्थने प्रेमसंबंधातून ही आत्महत्या केल्याचं म्हटलं जात आहे.

दरम्यान त्याच्या आत्महत्येचं ठोस कारण अद्याप समोर आलेलं नाही. समर्थ माळी याने आत्महत्या करण्यासारखा टोकाचा पाऊल का उचलला? याचा तपास सध्या चिंचवड पोलीस करत आहेत. समर्थ माळी आत्महत्या प्रकरणात चिंचवड पोलिसांनी आकस्मिक मृत्यूची नोंद केली आहे.