Pune Court Sentenced 3 Persons: पुणे न्यायालयाने तिघांना सुनावली मरेपर्यंत जन्मठेपेची शिक्षा, नेमकं काय आहे प्रकरण?

Pune Court: न्यायालयाने या आरोपींना शिक्षा सुनावत प्रत्येकी 25 हजारांचा दंड देखील ठोठावला आहे.
Pune Court Sentenced 3 Persons
Pune Court Sentenced 3 PersonsSaam Tv

Pune News: पुण्यामध्ये सामूहिक बलात्कार आणि हत्या प्रकरणातील आरोपींना मरेपर्यंत जन्मठेपेची शिक्षा (life imprisonment) सुनावण्यात आली आहे. पुणे न्यायालयाने (Pune Court) तीन आरोपींना ही जन्मठेपेची शिक्षा सुनावली आहे. न्यायालयाने या आरोपींना शिक्षा सुनावत प्रत्येकी 25 हजारांचा दंड देखील ठोठावला आहे.

Pune Court Sentenced 3 Persons
Special 75 Rupee Coin: नव्या संसद भवनाच्या उद्घाटनाला लॉन्च होणार 75 रुपयांचं खास नाणं, काय आहे या नाण्याचं वैशिष्ट्ये?

मिळालेल्या माहितीनुसार, आरोपींनी नालासोपारा येथे अल्पवयीन मुलीवर लैंगिक अत्याचार करुन तिची हत्या केली होती. हत्येनंतर या मुलीचा मृतदेह बॅगेत भरुन त्यांनी तळेगाव रेल्वे स्थानकावर टाकून दिला होता. या घटनेमुळे नालासोपारा हादरले होते. याप्रकरणी पोलिसांनी तीन आरोपींना अटक केली होती. ईशान कुरेशी, संतोष जोगदर आणि राहुल बरई अशी आरोपीची नावे आहेत.

हे तिन्ही आरोपी या प्रकरणात शिक्षा भोगत होते. याप्रकरणावर नुकताच पुणे विशेष न्यायालयात सुनावणी झाली. या सुनावणीदरम्यान न्यायालयाने अल्पवयीन मुलीवर सामूहिक बलात्कार करुन हत्या केल्याप्रकरणी मरेपर्यंत जन्मठेपेची शिक्षा सुनावली आहे. विशेष सरकारी वकील यांनी या प्रकरणात फाशीच्या शिक्षेची मागणी केली होती.

Pune Court Sentenced 3 Persons
CCTV Footage : आधी घेरलं, मग गाडीत बसवलं; अबू सालेमच्या भाच्याचे अपहरण झाल्याचा संशय, पण...

ईशान कुरेशी, संतोष जोगदर आणि राहुल बरई या तिन्ही आरोपींना न्यायालयाने जन्मठेपेची शिक्षा सुनावली आहे. अपहरणाचा कट रचल्या प्रकरणी 5 वर्षांची शिक्षा, सामूहिक बलात्कार प्रकरणी मरेपर्यंत जन्मठेप, हत्या केल्या प्रकरणात जन्मठेप आणि पुरावे नष्ट केल्याप्रकरणी 3 वर्षांची शिक्षा न्यायालयाने सुनावली आहे. या शिक्षेसोबत न्यायालयाने त्यांना प्रत्येकी 25 हजारांचा दंड सुनावला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com