पुणे पोलिसांची कमाल! चोरी करून गायब झालेल्या चोरांना नेमके 'कुठे' गाठले? उत्तर ऐकून हसू आवरणार नाही

Pune Police arrest theft suspects in Baner sweet : पुण्यातील प्रसिद्ध मिठाईच्या दुकानात चोरी करणाऱ्या आरोपींना पुणे पोलिसांनी बेड्या ठोकल्या आहेत. चोरी करून चोर पसार झाले होते, मात्र अंघोळीला घरी आल्यावर पोलिसांनी त्यांना बेड्या ठोकल्या. बाणेर पोलिसांनी तपासले तब्बल २२५ सी सी टिव्ही तपासले. पोलिसांना गुंगारा देण्यासाठी दोघेही चोर संपूर्ण पुणे शहरात फिरायचे.

शिवम दत्ता अवचार (वय १९) आणि करण शिवाजी जमादार (वय १९) असे अटक करण्यात आलेल्या आरोपींची नावं आहेत. आरोपांकडून दोन महागड्या, एक महागडा मोबाईल दुचाकी, २ लोखंडी पालघन, १२ हजार रोख रक्कम असा मुद्देमाल जप्त केला आहे.

पोलिसांनी दिलेल्या माहितीनुसार, १६ एप्रिल रोजी पहाटे ४.३० वाजण्याच्या सुमारास अज्ञात इसमांनी बाणेर भागात चितळे बंधु व काका हलवाई या प्रसिद्ध मिठाईच्या दुकानात चोरी केली. दुकानाचे शटर हत्यारांच्या सहाय्याने उचकटून आत प्रवेश करुन लॉकरमध्ये देवपुजेसाठी सोने व चांदीचे ऐवज व रोख रक्कम असा ६६ हजार रुपयांचा मुद्देमाल त्यांनी चोरून नेला. या प्रकरणी बाणेर पोलिस ठाण्यात गुन्हा दाखल करण्यात आला होता.

पोलिसांना गुंगारा देण्यासाठी हे दोघे ही जणं चोरी केलेल्या दिवशी त्यांच्याकडे असलेल्या स्पोर्ट्सबाईक वरून शहरभर फिरले. पुण्यातील शिवाजीनगर, घोरपडी, हडपसर, रामटेकडी, आळंदी, नऱ्हे, आंबेगाव अशा अनेक ठिकाणी या दोघांनी फेरफटका मारला. बाणेर पोलिसांनी शहरातील तब्बल २२५ पेक्षा अधिक सीसीटीव्ही फुटेज तपासल्यावर त्यांच्या दुचाकीची माहिती मिळवून त्यांचा राहत्या घराचा पत्ता मिळवला.

मात्र चोरी झाल्यापासून हे दोघं ही जणं घरी खूप कमी वेळा आले. यातील एक आरोपी घरी अंघोळीसाठी येणार असल्याची माहिती पोलिसांना मिळाली होती. त्यानुसार पोलिसांनी सापळा रचून यातील एकाला ताब्यात घेतलं आणि त्यानंतर त्याच्या मदतीने दुसऱ्या साथीदाराला ताब्यात घेण्यात पोलिसांना यश आलं. हे दोघे ही आरोपी रेकॉर्डवरील गुन्हेगार आहेत.