Budhwar Peth : बुधावर पेठेत वेश्यागमनासाठी जाणाऱ्यांचा पाठलाग करायचं अन् लुटायचे, पुण्यातील धक्कादायक प्रकार

Pune crime, Budhwar Peth : बुधवार पेठेत वेश्यागमनासाठी जाणाऱ्या लोकांचा पाठलाग करून लुटणाऱ्या दोघांच्या पोलिसांनी मुसक्या आवळल्या आहेत. पुण्यातील नांदेड सिटी पोलीस स्टेशनच्या हद्दीतील घटना समोर आली आहे. बुधवार पेठेतून फिर्यादींच्या नांदेड सिटी मध्ये असणाऱ्या घरापर्यंत मागे मागे जात पैसे मागितले होते. दोन आरोपींना नांदेड सिटी पोलिसांनी अटक केली आहे. आयुष राजू चौगुले, सदफ पठाण अस अटक करण्यात आलेल्या आरोपींची नावे आहेत.

काय आहे प्रकरण?

या प्रकरणातील आरोपी असणारे दोघे जण हे फिर्यादी बुधवार पेठेत गेले असता त्याचा पाठलाग करत त्याच्या घरापर्यंत आले आणि तुम्ही आमच्याकडून २०००० रुपये ऑनलाइन देतो म्हणून आमच्याकडे कॅश घेतल्याची बतावणी करत पैसे द्या अन्यथा आम्ही तुमची बदनामी करू अशी धमकी दिली.

बदनामी करण्याची धमकी

आम्हाला पैसे द्या अन्यथा बुधवार पेठेत गेला हात अशी तुमची बदनामी करू असं फिर्यादीला धमकावले. आरोपींनी एवढ्यावरच न थांबता पोलीस हेल्पलाइन 112 या नंबर वर कॉल केला आणि पोलिसात तक्रार द्यायला सुरुवात केली की यांनी आमच्याकडून वीस हजार रुपये घेऊन आमची फसवणूक केली आहे. त्यानंतर नांदेडला पोलीस घटनास्थळी दाखल होऊन या सगळ्या प्रकरणाची शहानिशा केली त्यानंतर पोलिसांच्या लक्षात आलं की हे दोन आरोपी अशा पद्धतीनं फिर्यादीची फसवणूक करत आहेत त्यानंतर या दोन्ही आरोपींना नांदेड सिटी पोलिसांनी अटक केली.