Vinayak Mete : 'विनायक मेटेंचं बलिदान शिंदे फडणवीस सरकार व्यर्थ जाऊ देणार नाही'

Vinayak Mete News : मराठा समाजासाठी झटणा-या विनायक मेटे (Vinayak Mete) यांचे बलिदान शिंदे फडणवीस सरकार व्यर्थ जाऊ देणार नाही असं मत भाजप नेते प्रवीण दरेकर (Praveen Darekar) यांनी व्यक्त केलं. शिवसंग्रामचे नेते विनायक मेटे यांना श्रद्धांजली वाहण्यासाठी ठाणे येथे आयोजित केलेल्या कार्यक्रमात भाजप नेते प्रवीण दरेकर बाेलत हाेते.

दरेकर म्हणाले मराठा समाजाच्या प्रश्नांसाठी होत असलेल्या बैठकीत येत असताना विनायक मेटे यांचे अपघाती निधन झाले. त्यामुळं मी एक प्रकारे बलिदान समजतो. त्यांचं बलिदान हे शिंदे फडणवीस सरकार व्यर्थ जाऊ देणार नाही असा विश्वासही दरेकर यांनी व्यक्त केला.

यावेळी विविध वक्त्यांनी मराठा समाजासाठी पोटतिडकीने प्रश्न मांडणारे विनायक मेटे यांच्या अपघाती निधनानं केवळ मराठा समाजातच नव्हे तर तळागळात कार्य करणा-या कार्यकर्त्यांत शोककळा पसरलेली आहे असे नमूद केले. प्रारंभी मान्यवरांसह कार्यकर्त्यांनी विनायक मेटे यांनी श्रद्धांजली वाहिली.

Edited By : Siddharth Latkar