Political News : 'जनता दूधखुळी नाही, सगळ्याचा हिशोब होणार...'; भाजपच्या पोस्टरवरुन ठाकरे गटाचा CM शिंदेंवर निशाणा

Mumbai News :

देशात सध्या विधानसभा निवडणुकीची रणधुमाळी सुरु आहे. पाच राज्यातील विधानसभा निवडणुकीसाठी सर्वच प्रमुख पक्ष मैदानात आहेत. राज्यातील बडे नेते देखील निवडणुकीच्या प्रचारात जात आहेत.

राज्याचे मुख्यमंत्री एकनाथ शिंदे हे देखील २३ नोव्हेंबर रोजी राजस्थानमध्ये भाजपच्या प्रचारासाठी गेले होते. मात्र तेथील एका बॅनरवरुन राज्यातील राजकारणात त्याचे पडसाद उमटण्याची शक्यता आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मुख्यमंत्री एकनाथ शिंदे हवामहल विधानसभा क्षेत्रातील भाजप उमेदवार बालमुकुन्द आचार्य यांच्या प्रचारासाठी गेले होते. तेथे दौऱ्याच्या बॅनरवर एकनाथ शिंदे यांचा उल्लेख हिंदूहृदयसम्राट असा करण्यात आला आहे. यावरुन शिवसेना ठाकरे गटाने मुख्यमंत्र्यांवर सडकून निशाणा साधला आहे. (Latest Marathi News)

ठाकरे गटाने आपल्या अधिकृत एक्स अकाऊंटवरुन ट्वीट करत म्हटलं की, "पक्ष चोरला, नाव चोरलं, बाप चोरायचा प्रयत्न केला... आता हेही? किती तो निर्लज्जपणा? जगात 'हिंदुहृदयसम्राट' फक्त एकच.... वंदनीय हिंदुहृदयसम्राट बाळासाहेब ठाकरे! त्यांच्या आधी ना कोणी होता, त्यांच्यानंतर ना कोणी होऊ शकेल! जनता दूधखुळी नाहीये, सगळ्याचा हिशोब होणार!"