Palghar News : समुद्रकिनाऱ्यावर जाण्यास मनाई आदेश असताना देखील समुद्रात पोहण्यास गेलेल्या एका पर्यटकाला चांगलंच महागात पडलं. दरम्यान पोलिसांच्या सतर्कतेमुळे या तरुणाला वाचवण्यात वाणगाव पोलिसांना यश आल आहे. या संपूर्ण घटनेचा व्हिडिओ समुद्र किनाऱ्यावर असलेल्या एका स्थानिक तरुणाने चित्रित केला. हा धक्कादायक व्हिडिओ सध्या समाज माध्यमात व्हायरल हाेत आहे. (Maharashtra News)
बोईसर (boisar) मधील टाटा हाऊसिंग येथे राहणारा फैजल आबादी सैफी हा 27 वर्षीय तरुण दुपारच्या सुमारास चिंचणी येथील समुद्रकिनाऱ्यावर पोहण्यासाठी गेला होता. मात्र समुद्रातील पाण्याच्या लाटांचा वेग वाढल्याने हा तरुण अचानक पाण्यात बुडू लागला. ही बाब तिथे असलेल्या एका स्थानिकाच्या लक्षात आल्याने या स्थानिकाने लागलीच चिंचणी पोलीस दुरक्षत्र येथे कार्यरत असलेले पोलीस कर्मचारी भूषण संखे यांना फोनद्वारे संपर्क केला.
यानंतर पोलिसांनी चिंचणी समुद्रकिनाऱ्यावर असलेल्या दोन तरुणांच्या मदतीने बुडत असलेल्या तरुणाला खवळलेल्या समुद्राची भीती न बाळगता बाहेर काढलं. यावेळी बुडत असलेल्या तरुणाच्या नाका तोंडात पाणी गेल्याने त्याला चिंचणी प्राथमिक आरोग्य केंद्रात उपचारासाठी दाखल केले असून त्याची प्रकृती स्थिर असल्याची माहिती वैद्यकीय अधिकाऱ्यांकडून देण्यात आली आहे.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
