पिंपरी-चिंचवड शहर पोलीस दलातील ६ निरीक्षकांच्या बदल्या; कोणाची कुठे झाली पोस्टिंग? जाणून घ्या

एका दिवसापूर्वीच नवी मुंबईत पोलीस दलात अधिकाऱ्यांच्या बदल्या करण्यात आल्या होत्या. आता पुण्यातील पिंपरी-चिंचवड शहर पोलीस दलातील ६ पोलीस निरीक्षकांच्या बदल्या करण्यात आल्या आहेत. याबाबतचे आदेश पोलीस आयुक्त विनयकुमार चौबे यांनी सोमवारी रात्री दिलेत. (Pimpri-chinchwad Police Reshuffle: Six Inspectors Transferred, New Postings Announced)

शहर पोलीस दलातील पोलीस निरीक्षकांची सहायक पोलीस आयुक्त पदावर बढती देत त्यांची बदली करण्यात आली आहे. त्यांच्या जागी या नियुक्त्या करण्यात आल्या आहेत. गुन्हे शाखेत कार्यरत असलेले अरविंद पवार यांच्याकडे बावधन तर रुपाली बोबडे यांच्याकडे पिंपरी पोलीस ठाण्याची जबाबदारी देण्यात आलीय.

चिखली पोलीस ठाण्याचे वरिष्ठ पोलीस निरीक्षक विठ्ठल साळुंखे यांची वाकड पोलीस ठाण्यात बदली करण्यात आलीय. त्यांच्या जागी चिंचवड पोलीस ठाण्याचे पोलीस निरीक्षक रणजित जाधव यांची नियुक्ती करण्यात आलीय. तर रावेत पोलीस ठाण्याचे वरिष्ठ पोलीस निरीक्षक नितीन फटांगरे यांच्याकडे दिघी पोलीस ठाण्याची जबाबदारी देण्यात आली आहे. हिंजवडी पोलीस ठाण्यातील पोलीस निरीक्षक ऋषिकेश घाडगे यांची नियुक्ती करण्यात आलीय.

नवी मुंबईतील १० वरिष्ठ पोलीस निरीक्षकांच्या बदल्या

नवी मुंबई पोलीस आयुक्तालयाच्या आदेशानंतर एकूण १० पोलीस अधिकाऱ्यांच्या बदल्या करण्यात आल्या. आदेशानुसार सानपाडा पोलीस ठाण्याचे वरिष्ठ पोलीस निरीक्षक तथा प्रभारी अधिकारी देविदास प्रभाकर कठाळे यांची रबाळे एमआयडीसी पोलीस ठाण्यात वरिष्ठ पोलीस निरीक्षक म्हणून नियुक्ती करण्यात आली. तर न्हावाशेवा पोलीस ठाण्याचे वरिष्ठ पोलीस निरीक्षक दीपक विजय सुर्वे यांची सानपाडा पोलीस ठाण्यात बदली झालीय.

रबाळे एमआयडीसी पोलीस ठाण्याचे वरिष्ठ पोलीस निरीक्षक सुनील आनंदा वाघमारे यांची एनआरआय पोलीस ठाण्यात, तसेच खारघर पोलीस ठाण्याच्या वरिष्ठ पोलीस निरीक्षक दिपाली राहुल पाटील यांची उरण पोलीस ठाण्यात वरिष्ठ पोलीस निरीक्षक प्रभारी अधिकारी म्हणून बदली करण्यात आली आहे.