Lata Mangeshkar: PM मोदींसह अनेक दिग्गज अंत्यसंस्कारासाठी राहणार उपस्थीत

मुंबई: भारतरत्न आणि भारताच्या सूर सम्राज्ञी म्हणून प्रसिद्ध असलेल्या लता मंगेशकर यांचं आज मुंबईमध्ये निधन झालं आहे. वयाच्या ९२ वर्षी त्यांनी अखेरचा श्वास घेतला. ब्रीच कँडी रुग्णालयात त्यांच्यावर उपचार सुरू असतानाच त्यांची प्राणज्योत मालवली. लता मंगेशकर यांच्या निधनामुळे संपूर्ण जगावर शोककळा पसरली आहे. आज रविवारी सकाळी 9.30 वाजण्याच्या सुमारास त्यांनी अखेरचा श्वास घेतला. आज सायंकाळी 6.30 वाजता त्यांच्यावर अंत्यसंस्कार करण्यात येणार आहेत. यासाठी भारताचे पंतप्रधान नरेंद्र मोदी (Narendra Modi) उपस्थीत राहणार आहेत. त्याचबरोबर मुंख्यमंत्री उद्धव ठाकरे, राज ठाकरे, शरद पवार, सचिन तेंडुलकर (Sachin Tendulkar), गोव्याचे मुख्यमंत्री प्रमोद सावंत त्याचबरोर चित्रपट सृष्टीतील दिग्गजही उपस्थीत राहणार आहेत.

शिवाजी पार्कवर लता दीदींच्या पार्थिवावर अंत्यसंस्कार करण्यात येणार आहेत. लता दीदींवर आणि त्यांच्या आवाजावर प्रेम करणारे लाखो लोक शिवाजी पार्कवर दाखल होते आहेत. महानायक अमिताभ बच्चन यांनीही प्रभूकुंजवरती जाऊन लता दीदींच्या पार्थीवाचं अंतिम दर्शन घेतेले. सकाळी त्यांना दिवंगत घोषीत केल्यानंतर अनेक दिग्गज मंडळी ब्रीट कँडी हॉस्पीटलमध्ये उपस्थीत होते.

मी शब्दांच्या पलीकडे व्यथित आहे. दयाळू आणि काळजीवाहू लता दीदी आम्हाला सोडून गेल्या. आज देशात जी पोकळी निर्माण झाली आहे कधीच भरुन येऊ शकत नाही. येणाऱ्या पिढ्या लता मंगेशकर (Lata Mangeshkar) यांना भारतीय संस्कृतीतील एक दिग्गज म्हणून स्मरण ठेवतील, ज्यांच्या मधुर आवाजात लोकांना मंत्रमुग्ध करण्याची अतुलनीय क्षमता होती अशा शब्दांत पतंप्रधान नरेंद्र माेदी (prime minsiter narendra modi) यांनी लता मंगेशकर यांना अदारांजली वाहिली आहे. (Lata Mangeshkar Marathi News)

नरेंद्र माेदी म्हणाले लता दीदींच्या गाण्यांनी विविध प्रकारच्या भावना प्रकट केल्या. त्यांनी अनेक दशकांपासून भारतीय चित्रपट जगतातील स्थित्यंतरे जवळून पाहिली. चित्रपटांच्या पलीकडे, त्या नेहमीच भारताच्या प्रगतीबद्दल उत्कट असायच्या. त्यांनी नेहमीच एक मजबूत आणि विकसित भारत पाहायचा होता.

Edited By: Pravin Dhamale