अंबरनाथमध्ये तोतया महिला आमदाराला पोलिसांनी अटक केली आहे. संबंधित महिलेने लोकांना फसवण्यासाठी आपल्या गाडीवर विधीमंडळ सदस्याचे स्टिकर लावले होते. हे स्टिकर दाखवून महिला आपण आमदार असल्याचं भासवत होती.
एका व्यक्तीची ५ लाखांची फसवणूक केल्यानंतर या महिलेचं बिंग फुटलं आहे. याप्रकरणी अंबरनाथ पश्चिम पोलिसांनी या महिलेसह दोघांना अटक केली आहे. वंदना संजय मिश्रा असं तोतया आमदाराचं नाव आहे. अनमोल कुमार सिंह यांच्या तक्रारीवरुन पोलिसांनी ही कारवाई केली आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
पोलिसांनी दिलेल्या माहितीनुसार, अनमोल कुमार सिंह यांनी या महिलेकडून फसवणूक झाल्याची फिर्याद दाखल केली होती. अनमोल कुमार सिंह यांना पिस्तुल आणि शस्त्र परवाना हवा होता. यासाठी वंदना मिश्रा या महिलेने त्यांच्याकडून टप्प्याटप्प्याने ५ लाख २० लाखांची फसवणूक केली. (Crime News)
मात्र एवढी पैसे देऊनही आपलं काम होत नाही हे पाहून अनमोल कुमार यांना आपली फसवणूक झाल्याची जाणीव झाली. त्यानंतर त्यांनी पोलिसात धाव घेतली. या प्रकरणी अंबरनाथ पोलीस स्टेशनमध्ये कलम ४२० आणि ४१९ नुसार गुन्हा दाखल झाला आहे. दोन जणांना याप्रकरणी अटक करण्यात आली आहे.
आमदार आहे हे भासवण्यासाठी वंदना मिश्रा यांनी गाडीवर विधानसभा सदस्याचं स्टिकर लावलं होत. महिलेविरोधात याआधी ४-५ गुन्हे नोंद आहेत. साकीनाक परिसरात गुन्हे दाखल आहेत, अशी माहिती पोलीस चौकशीत समोर आली आहे. पोलीस याप्रकरणी अधिक तपास करत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.