ONGC Project Fire : उरणमध्ये ओएनजीसी प्रकल्पाला भीषण आग; हवेत धुरांचे लोट, नागरिकांमध्ये भीतीचं वातावरण

उरणमध्ये ओएनजीसी प्रकल्पाला भीषण आग लागल्याची घटना घडली आहे. या प्रकल्पाला लागलेल्या आगीचे लोट हवेत पसरले आहेत. ओएनजीसी प्रकल्पाला आग लागल्याची घटना घडताच सीआयएसएफ, सिडको, अग्निशमन दलाच्या जवानांनी घटनास्थळी धाव घेतली आहे. या आगीच्या घटनेमुळे नागरिकांमध्ये भीतीचं वातावरण पसरलं आहे

उरणमधील महत्वाचा आणि संवेदनशील म्हणून ओळख असलेल्या ओएनजीसी प्रकल्पाला आग लागून भडका उडाला. आग विझविण्यासाठी सीआयएसएफ आणि सिडको, अग्निशमन दलाच्या जवानांनी धाव घेतली आहे. या घटनेमुळे नागरिकांमध्ये भीतीचं वातावरण पसरलं आहे. तर काही नागरिकांकडून भीतीपायी संताप व्यक्त केला जात आहे.

उरणमधील सर्वात मोठं ओएनजीसी हे नैसर्गिक वायू आणि तेल शुद्धीकारण केंद्र आहे. या केंद्रातून नैसर्गिक वायू आणि तेल वितरण करण्यात येतं. भारत सरकारकडून हा प्रकल्प संचालित आहे. प्रकल्पाला वारंवार आग लागण्याच्या घटना घडत असल्याने प्रकल्पसंदर्भात अनेक प्रश्न या अनुषंगाने उपस्थित राहत आहेत. घटनेची तीव्रता पाहता प्रकल्पतील कर्मचारी आणि आजूबाजूचा परिसर रिकामा करण्यात आल्याची माहिती मिळाली आहे.

आगीवर नियंत्रण मिळवण्यात यश, नागरिकांनी सोडला सुटकेचा नि:श्वास

अग्निशमन दलाच्या जवानांनी घटनास्थळी पोहोचत तातडीने आगीवर नियंत्रण मिळवण्याचे प्रयत्न सुरु केले. आगीवर नियंत्रण मिळवताना प्रकल्पातील कर्मचारी आणि आजूबाजूचा परिसर देखील रिकामा केला. त्यामुळे अग्निशमन दलाच्या जवानांनी अथक प्रयत्नांनी आगीवर नियंत्रण मिळवलं. अग्निशमन दलाच्या जवानांनी आग विझविल्याने प्रकल्पातील कर्मचारी आणि परिसरातील नागरिकांनी सुटकेचा नि:श्वास सोडला.