New india Co-operative bank : न्यू इंडिया को-ऑपरेटिव्ह बँक घोटाळ्या प्रकरणी मोठी कारवाई, बडा मासा गळाला लागला

सचिन गाड, साम टीव्ही

मुंबईमधील न्यू इंडिया को-ऑपरेटिव्ह बँक घोटाळा प्रकरणी मोठी अपडेट हाती आली आहे. न्यू इंडिया को-ऑपरेटिव्ह बँक घोटाळा प्रकरणातील बडा मासा गळाला लागला आहे. पोलिसांनी बँकेचे माजी महाव्यवस्थापक हितेश मेहताला ताब्यात घेतलं आहे. हितेश मेहतावर १२२ कोटींच्या हेराफेरीचा आरोप आहे.

मुंबईतील न्यू इंडिया को-ऑपरेटिव्ह बँकेचे महाव्यवस्थापक हितेश मेहताने बँकेची तिजोरी लुटण्याचा प्रकार केला आहे. हितेश मेहतावर १२२ कोटींच्या घोटाळ्याचा आरोप आहे.

काय आहे आरोप?

हितेश मेहता बँकेचा महाव्यस्थापक होता. हितेशवर दादर आणि गोरेगाव शाखेची जबाबदारी होती. त्यावेळी हितेशने पदाचा गैरवापर करून दोन्ही शाखांमधील खातेदारांच्या खात्यांमधील १२२ कोटींचा घोटाळा केला. हितेश मेहताचा घोटाळा उघडकीस आल्यानंतर बँकेचे मुख्य लेखा अधिकाऱ्यांनी दादर पोलीस स्टेशनमध्ये तक्रार नोंदवली. त्यानंतर पोलिसांनी एफाआयआर नोंदवून घेतला.

पोलिसांना संशय आहे की, हितेश आणि आणखी एक व्यक्ती घोटाळ्यात सामील आहे. पोलिसांनी या प्रकरणाचा तपास सुरु केला आहे. या प्रकरणाचा तपास आर्थिक गुन्हे शाखेकडे पाठवण्यात आला आहे. आरोपी हितेश मेहतावर महाव्यवस्थापक होतं. घोटाळ्यादरम्यान त्याच्याजवळ बँकेच्या प्रभादेवी आणि गोरेगावच्या शाखेचा कारभार होता.

बँक घोटाळा प्रकरणी आरोपी हितेश पटेलला समन्स पाठवण्यात आलं आहे. बँकेत जमा करण्यात येणाऱ्या पैशांची एन्ट्री बुक्स ऑफ अकाऊंटमध्ये केली जाते. याच बुक्स ऑफ अकाऊंटची टॅली करण्यात आली. त्यावेळी १२२ कोटींची तूट आढळली. त्यानंतर हितेश मेहताच्या विरोधात तक्रार नोंदवण्यात आली. हितेश मेहतावर एफआयआर नोंदवण्यात आला आहे. बँकेच्या बुक्स ऑफ अकाऊंटच्या संपूर्ण माहितीचं फोरेन्सिक ऑडिट केलं जाणार आहे.

दरम्यान, भारतीय रिझर्व्ह बँकेने मुंबईतील न्यू इंडिया को-ऑपरेटिव्ह बँकेवर निर्बंध लावले आहेत. न्यू इंडिया को-ऑपरेटिव्ह बँकेच्या आर्थिक व्यवहारांवर अनेक प्रकारची निर्बंध घातले आहेत. बँकेला आता ग्राहकांना कर्ज देता येणार नाही. ठेवीदारांनाही पैसे काढण्यावर मर्यादा आल्या आहेत.